تۇركىستان وبلىسى تۇلكىباس اۋدانىنىڭ قازىنالى قاريالارى باتا بەرۋدەن سايىسقا ءتۇستى. ەل تاۋەلسىزدىگىنىڭ 30 جىلدىعىنا جانە ءاز-ناۋرىز مەيرامى قارساڭىندا «بابالاردى ەسكە الۋ جانە باتا كۇنىنە» وراي ۇيىمداستىرىلعان مەرەكەلىك شارانىڭ ماقساتى – ءداستۇرلى باتالاردى كەيىنگى ۇرپاققا ناسيحاتتاۋ, ەجەلگى سالت-ءداستۇردى جاڭعىرتۋ.
اۋدانعا قاراستى بارلىق اۋىلدىق وكرۋگتەردىڭ باتاگوي قاريالارى قاتىسقان بايقاۋدىڭ ءبىرىنشى اينالىمىنان 9 اقساقال سۇرىنبەي ءوتىپ, اقتىق سىنعا جولداما الدى. باتا سايىسىنىڭ قورىتىندىسىمەن ميچۋرين اۋىلدىق وكرۋگىنىڭ اتىنان شىققان جارىلقاسىن بەكجانوۆ اقساقال «ەڭ باتاگوي قاريا» اتانىپ, ءى ورىندى يەلەنسە, ءىى ورىن مايلىكەنت اۋىلدىق وكرۋگىنىڭ قارياسى اسپانديار كەلىمبەتوۆكە بۇيىردى. ال ءىىى ورىندى تۇلكىباس كەنتىنىڭ تۇرعىنى ەرماحان داۋلەتوۆ پەن كەمەرباستاۋ اۋىلدىق وكرۋگىنىڭ ابىزى ەرجان ابدىحالىقوۆ جەڭىپ الدى.
جۇلدەلى ورىنداردان كورىنگەن قاريالار اۋداندىق ارداگەرلەر كەڭەسىنىڭ باعالى سىيلىقتارىمەن جانە العىس حاتتارمەن ماراپاتتالدى.
تۇركىستان وبلىسى