14 ناۋرىزدا قر پرەمەر-ءمينيسترى ا.ۇ. ءماميننىڭ بىرىككەن اراب امىرلىكتەرىنە جۇمىس ساپارى شەڭبەرىندە قر يندۋستريا جانە ينفراقۇرىلىمدىق دامۋ مينيسترلىگى مەن «Wizz Air Abu Dhabi» اۋە كومپانياسى اراسىندا قر مەن ءباا اراسىندا تۇراقتى رەيستەر اشۋ تۋرالى بىرلەسكەن مالىمدەمەگە قول قويىلدى.
مالىمدەمەدە «Wizz Air Abu Dhabi» اۋە كومپانياسىنىڭ 2021 جىلعى مامىر ايىنىڭ ورتاسىنان باستاپ ابۋ-دابي مەن نۇر-سۇلتان جانە الماتى قالالارى اراسىندا تۇراقتى رەيستەر جاساۋعا دايىن ەكەنى كورسەتىلگەن.
قر مەن ءباا اراسىنداعى اۋە قاتىناسى سالاسىنداعى ىنتىماقتاستىقتى ودان ءارى دامىتۋ ماقساتىندا تاراپتار كورسەتىلگەن رەيستەردى اشۋ ماسەلەسى بويىنشا ءوزارا ءىس-قيمىلدى ۇيلەستىرىپ, جۇزەگە اسىرۋعا كەلىستى.
ايتا كەتەيىك, «Wizz Air Abu Dhabi» لوۋكوستەرى ابۋ-دابي اۋەجايىندا ورنالاسقان ءباا-ءنىڭ 6-شى ۇلتتىق اۋە كومپانياسى.