قارۋلى كۇشتەردىڭ قارۋ-جاراق پەن اسكەري تەحنيكانىڭ حالىقارالىق نارىعىن زەرتتەۋ اياسىندا قازاقستاندىق ساراپشىلار ARMA-8x8 تۇرىك بروندى ماشيناسىنىڭ مۇمكىندىكتەرىن باعالادى, دەپ حابارلايدى Egemen.kz.
قاراعاندى گارنيزونىنداعى «سپاسسك» وقۋ-جاتتىعۋ پوليگونىندا NEFER جاۋىنگەرلىك ۇلگىدەگى ARMA-8x8 بروندالعان دوڭگەلەكتى ماشينانىڭ مۇمكىندىگى كورسەتىلدى.
كولىكتىڭ جاۋىنگەرلىك مۇمكىندىكتەرى مەن بورتتاعى قارۋ-جاراعى تاۋلىكتىڭ ءتۇرلى مەزگىلىندە سىناقتان وتكىزىلدى.
ءوندىرۋشىنىڭ مالىمەتىنە سۇيەنسەك, بۇل NEFER (7,62 مم قوسارلانعان وقشاشارمەن 30 مم 2ا42 اۆتوماتتى زەڭبىرەگى) اسكەري ماشيناسىن قازاقستان اسكەرى پايدالانۋ ءۇشىن ارنايى ازىرلەگەن.
ول تۇنگى ۋاقىتتا كوزدەۋ كەشەنى مەن جىلۋعا دەن قويۋشى كامەرانى قولدانا وتىرىپ, اتىس جۇرگىزەدى.بۇل ايقىن كورىنىس پەن ماقساتتى دالدەپ زاقىمداۋدى قامتاماسىز ەتەدى.