سولتۇستىك قازاقستان وبلىسىندا كوز اشىرمايتىن قاتتى بوراننىڭ سالدارىنان پوليتسيانىڭ كۇشى جۇرگىزۋشىلەرگە كومەكتەسۋگە جۇمىلدىرىلدى, دەپ حابارلايدى Egemen.kz.
18 اقپان كۇنى ساعات 19.00-دەن باستاپ وبلىستا بارلىق باعىتتاعى جولدار جابىلدى. مامليۋت اۋدانىندا قورعان-پەتروپاۆل جولىندا 70-تەن استام جۇك كولىگى مەن جەڭىل اۆتوموبيلدەر جينالدى. اۋدان اكىمى ۆلاديسلاۆ لۋكين, اۋداندىق پوليتسيا جانە توتەنشە جاعداي بولىمدەرىنىڭ باسشىلىعى جاعدايدى سول جەردە باعالاپ, كولوننا قۇرۋدى شەشتى. جولدى «قازاقاۆتودور» جشس-ءنىڭ قار تازالايتىن ماشيناسى تازالاپ وتىردى, ال ونى جارقىلداۋىق ماياگى قوسىلعان پاترۋلدىك ماشينالار الىپ ءجۇردى. بارلىق اۆتوكولىك امان-ەسەن پەتروپاۆلعا جەتتى.
توتەنشە جاعدايلار دەپارتامەنتى جانە جول ۇيىمدارىمەن بىرگە قار قۇرساۋىنان 94 ادام قۇتقارىلدى, ونىڭ 9-ى بالا, 34 تەحنيكا ەۆاكۋاتسيالاندى. سونىمەن قاتار, جولدارداعى بۇزۋشىلىقتاردى انىقتاۋ بويىنشا قارقىندى جۇمىس جالعاستى.