ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ اتىراۋ وبلىسىنا جۇمىس ساپارى بارىسىندا «اتىراۋ مۇناي وڭدەۋ زاۋىتى» جشس باستاماشى بولعان TAZALYQ باعدارلاماسىنىڭ جۇزەگە اسىرىلۋ بارىسىمەن تانىستى, دەپ حابارلايدى Egemen.kz.
«TAZALYQ جوباسى قورشاعان ورتانى قورعاۋعا, ەكولوگيالىق جاعدايدى جاقسارتۋعا جانە حالىقتىڭ ەكولوگيالىق قاۋىپسىزدىك دەڭگەيىن ارتتىرۋعا باعىتتالعان. وسى ماقساتتا اتىراۋ مۇناي وڭدەۋ زاۋىتىنىڭ اعىندى سۋلاردى تازارتۋ قوندىرعىلارىن جاڭارتۋ جوباسى جۇزەگە اسىرىلۋدا, ول اعىندى سۋلاردى ساپالى تازارتۋدى, لاستايتىن اعىندى سۋلاردىڭ كولەمىن ازايتۋدى جانە اتموسفەراعا لاستاۋشى زاتتاردىڭ بۋلانۋىن توقتاتۋدى قامتاماسىز ەتەتىن زاماناۋي تەحنولوگيالىق پروتسەستەردى وندىرىسكە ەنگىزۋدى كوزدەيدى», دەپ حابارلادى كاسىپورىننىڭ باس ديرەكتورى شۋحرات دانباي.
ول زاۋىت ءۇشىن جوبانىڭ ەكونوميكالىق پايداسى جوق ەكەنىن, ءاموز بۇعان قالاداعى ەكولوگيالىق جاعدايدى جاقسارتۋ ماقساتىندا كەلە جاتقانىن اتاپ ءوتتى. تازارتۋ قوندىرعىلارىن مودەرنيزاتسيالاۋدىڭ ءساتتى مىسالى رەتىندە ماسكەۋ مۇناي وڭدەۋ زاۋىتىنىڭ تاجىريبەسىنە نازار اۋدارىلدى.
سونىمەن قاتار, قورشاعان ورتانى قورعاۋعا باعىتتالعان ءىس-شارالاردىڭ ىشىندە زاۋىت ەلوۋ-ات-2 جانە ەلوۋ-اۆت-3 قوندىرعىلارىنىڭ پەشتەرىندەگى تەحنيكالىق ەسكىرگەن وتتىقتاردى اۋىستىرۋدى جوسپارلاپ وتىر. بۇل وتىن گازىن تۇتىنۋدى ازايتادى جانە قوندىرعى پەشتەرىندە وتىن گازىن جاعۋ كەزىندە لاستاۋشى زاتتاردى ازايتادى.
ماعزۇم مىرزاعاليەۆ اتىراۋ مۇناي وڭدەۋ زاۋىتىنىڭ جۇمىسىنا جاسىل تەحنولوگيالاردى ەنگىزۋ جۇمىستارىن جەدەلدەتۋدى تاپسىردى.
«بۇگىنگى تاڭدا قورشاعان ورتاعا لاستاۋشى زاتتار شىعارىندىلارىنىڭ دەڭگەيىن تومەندەتۋ ءبىرىنشى كەزەكتەگى مىندەت بولىپ تابىلادى. بۇل باعىتتا جاسىل تەحنولوگيالاردى ەنگىزۋ ماڭىزدى. ايماقتىڭ ەكولوگياسى اۋانىڭ لاستانۋى جاعىنان جوعارى كورسەتكىشكە يە. سوندىقتان پروتسەستى جاسىلداندىرۋ بويىنشا كەشەندى شارالاردى قابىلداۋ وتە ماڭىزدى», دەپ اتاپ ءوتتى مينيستر.