دەپۋتاتتار قايىرىمدىلىق جاسادى

اۋداندىق ماسليحاتتاعى ەڭ جاس دەپۋتات, 22-گە ەندى تولعان ازامات ەل الدىندا بەرگەن ۋادەنى ورىنداۋ باستى ماقساتى ەكەنىن ايتادى. «قايىرىمدىلىق – حالقىمىزدىڭ ەڭ ىزگى قاسيەتتەرىنىڭ ءبىرى, ىزگىلىكتىڭ كورىنىسى. «قايىرىمدىلىق جاساساڭ, قايىرىن ءوزىڭ كورەسىڭ» دەيدى دانا حالقىمىز. سونىمەن قاتار قايى­رىم­دىلىقتى جاقسىلىق جاساۋمەن بالاپ, ونى يماندىلىقتىڭ, سۇيىس­پەنشىلىكتىڭ, تاربيەلىكتىڭ, پارا­سات­تىلىقتىڭ ايقىن كورىنىسى دەپ بىلەمىن. ەلدىڭ قولداۋىمەن Nur Otan پارتياسىنىڭ پرايمەريزى ءارى جاس­تار كۆوتاسى ارقىلى مانداتقا يە بولدىم. ماقساتىم – ەل سەنىمىن اقتاۋ. پارتيا باعدارلاماسىنداعى مىندەتتەردى ورىنداۋعا بار كۇش-جىگەرىمدى سالامىن», دەيدى مۇحتار امانكەلدى ۇلى.

ازىق-ت ۇلىك پەن تۇرمىسقا قاجەتتى زاتتار سالىنعان قوراپتاردى كەلەس اۋداندىق جاستار رەسۋرستىق ور­تا­لىعىنىڭ وكىلدەرى مەن Jas Otan جاستار قاناتىنىڭ ەرىك­تىلە­رى تۇرعىندارعا تاراتىپ بەردى. كو­مەك العان تۇرعىندار دەپۋتات پەن جەرگىلىكتى يمامدارعا, ەرىك­تى جاس­تارعا ريزاشىلىقتارىن ءبىلدىر­دى. بۇل يگى ءىستى قازاقستان مۇسىل­مان­دارى ءدىني باسقارماسىنىڭ «تايقازان» جوباسى اياسىندا «كەلەس-اباي» قايىرىمدىلىق قورى ۇيىم­داستىرعانىن دا ايتا كەتەلىك.

سونداي-اق جۋىردا سوزاق اۋدان­دىق ءماسليحاتىنىڭ دەپۋتاتى, جەكە كاسىپكەر باعلان سۇگىر­باەۆ شولاققورعان اۋىلىنىڭ از قامتىلعان, اسىراۋشىسى جوق, مۇم­كىندىگى شەكتەۋلى جاندارى بار وتباسى­لارىنا كومەك كورسەتتى. جومارت جان 50 وتباسىعا 1 توننادان كومىر ءتۇسىرىپ بەردى. دالىرەك ايتساق, 35 شاڭىراققا كومىر ءتۇسىرىپ بەرسە, 15 وتباسىنىڭ ارقايسىسىنا وتىن الاتىن قاراجات ۇسىندى. ۇيلەرگە قاتتى وتىندى ۇلەستىرىپ, تاراتىپ بەرۋگە اۋداندىق جاستار رەسۋرستىق ورتالىعىنىڭ جانىنان قۇرىلعان Valu» ەرىكتىلەر ۇيىمى كومەكتەستى. قىسى قاتالداۋ كەلەتىن تەرىسكەيلىك تۇرعىندار دەپۋتات پەن ەرىكتى جاستارعا ريزاشىلىقتارىن ءبىلدىردى.

ايتا كەتەلىك, قازىرگى كۇنگە دەيىن تۇركىستان وبلىسىندا بارلىق دەڭ­گەي­دە­گى ءماسليحاتتاردىڭ جاڭا دەپۋتاتتارى 70 كەزدەسۋ وتكىزىپ, 214 تۇرعىننىڭ وتىنىشتەرى مەن تالاپ-تىلەكتەرىن قا­بىل­داپ ۇلگەردى.

تۇركىستان وبلىسى