امستەردام لوندوننان ەۋروپا قۇرلىعىنداعى ەڭ ءىرى بيرجالىق ساۋدا ورتالىعى رەتىندە اسىپ ءتۇستى.
ءىرى قور بيرجالارىنىڭ ءبىرى CBOE Europe مالىمەتتەرىنە سايكەس, Euronext امستەردام جانە CBOE Europe مەن Turkuoise گوللاندتىق فيليالدارىنداعى ساۋدا-ساتتىق كولەمى كۇرت ءوسىپ, قاڭتاردا كۇندەلىكتى باعامى 9,2 ميلليارد ەۋرونى قۇرادى, ال
لوندونداعى ساتىلىم قۇلدىراپ, 8,6 ميلليارد ەۋروعا ازايدى. وسىلايشا امستەردام ۇلىبريتانيانى ەۋروپالىق نارىقتىڭ باستى ورتالىعى رەتىندەگى تاريحي پوزيتسياسىنان ىعىستىردى.
بۇل وزگەرىس لوندوندا ەۋروپالىق وداق (ەو) قارجى ينستيتۋتتارىنىڭ ساۋدا جاساۋىنا تىيىم سالۋمەن بايلانىستى بولدى. ساراپشىلار بۇل جاعدايدى Brexit-كە بايلانىستى ۇلىبريتانيا كاپيتالىنىڭ ساۋدا كولەمىنىڭ جارتىسىنا جۋىعى ەو-عا كوشكەندىگىمەن ءتۇسىندىردى.
ەسكە سالا كەتەيىك, 2020 جىلدىڭ 31 قاڭتارىندا ۇلىبريتانيا رەسمي تۇردە ەۋروپالىق وداقتان شىقتى, بۇل وتپەلى كەزەڭ Brexit دەگەن اتپەن بەلگىلى بولدى.