ەلىمىزدەگى ەڭ جاڭا, ەكولوگيالىق تۇرعىدان تازا, ەڭ قاۋىپسىز ءارى كوركەم ستانسالارى بار, قوعامدىق كولىكتىڭ ءتۇرى الماتى مەتروسى بولىپ تۇر. كەشە الماتىلىق مەترو ESQR-دىڭ (ساپانى زەرتتەۋدىڭ ەۋروپالىق قاۋىمداستىعى) «Platinum» كاتەگورياسىنداعى كۋبوگى مەن ديپلومىنا يە بولدى.
ەلىمىزدەگى ەڭ جاڭا, ەكولوگيالىق تۇرعىدان تازا, ەڭ قاۋىپسىز ءارى كوركەم ستانسالارى بار, قوعامدىق كولىكتىڭ ءتۇرى الماتى مەتروسى بولىپ تۇر. كەشە الماتىلىق مەترو ESQR-دىڭ (ساپانى زەرتتەۋدىڭ ەۋروپالىق قاۋىمداستىعى) «Platinum» كاتەگورياسىنداعى كۋبوگى مەن ديپلومىنا يە بولدى.
وسىلايشا كەزەكتى رەت ەلىمىزدەگى ەڭ جاس مەترو ديزاينى جاعىنان الەمدەگى ەڭ ادەمى, ەڭ ساپالى مەتروپوليتەندەردىڭ قاتارىنا كوتەرىلدى. بۇعان دەيىن دە الماتىلىق جەراستى كولىگى بيىلعى شىلدە مەن جەلتوقسان ايلارىندا «ساپانى ۇزدىك پايدالانۋدىڭ ەۋروپالىق ماراپاتى نوميناتسياسى بويىنشا ەكى رەت جۇلدەگەر اتانعان بولاتىن.
كەشە وسى ايتۋلى وقيعاعا وراي, الماتى قالاسىنىڭ اكىمى احمەتجان ەسىموۆ «مەتروپوليتەن» ۇجىمىن ناگرادامەن قۇتتىقتادى. قالا باسشىسى حالىقارالىق دەڭگەيدەگى بۇل ماراپات مەتروپوليتەن ۇجىمىن جاڭا تابىستارعا باستاۋى ءتيىس دەدى. اكىم ەكى جىل ىشىندە جەراستى كولىگىنىڭ قالالىقتار كوڭىلىنەن شىققاندىعىن ايتتى.
«ەڭ باستىسى – جولاۋشىلار ءۇشىن جايلى, قولايلى, قاۋىپسىز. كۇن سايىن مەترونى 24 مىڭنان استام ادام پايدالانادى. ەكى جىل ىشىندە 13 ميلليون ادام تاسىمالداندى, شىعىنداردى ەسەپتەمەگەندە 1 ميلليارد تەڭگە كىرىس كىردى. بۇل جاقسى كورسەتكىش, بىراق جولاۋشىلار تاسىمالى وزگە قوعامدىق كولىك ارقىلى دا جۇزەگە اسۋدا», – دەدى احمەتجان ەسىموۆ.
الماتى مەتروسىندا 7 ستانسا بار, 2014 جىلى تاعى دا 2 ستانسانى ىسكە قوسۋ جوسپارلانعان. ESQR جەتەكشىلەرىنىڭ مالىمدەۋىنشە, حالىقارالىق ۇيىمنىڭ ارناۋلى جۋرنالىنىڭ جەلتوقسان ايىنداعى ءنومىرى الماتى مەتروپوليتەنىنە ارنالماق. ەۋروپا تورىندە جارىق كورەتىن باسىلىمدا مەترومىزدىڭ ساۋلەتى سالتانات قۇراتىن بولادى.
ايناش ەسالي,
«ەگەمەن قازاقستان».
الماتى.