فرانتسيا حيرۋرگتارى الەمگە بۇرىن-سوڭدى بولماعان جاڭالىق اشىپ, تولىققاندى جۇمىس ىستەپ تۇرعان جاساندى جۇرەكتى ناۋقاسقا قويىپ بەردى. بۇل تۋرالى Utro.ru حابارلادى.
وپەراتسيا پاريج قالاسىندا ورنالاسقان جورج پومپيدۋ اتىنداعى اۋرۋحانادا جاسالدى. دارىگەرلەر قازىرگى ۋاقىتتا ناۋقاستىڭ جاعدايى جاقسى ءارى بىرقالىپتى ەكەنىن مالىمدەدى. تەڭدەسى جوق وپەراتسيا 75 جاستاعى قارياعا جاسالدى.
«Yoki» گازەتىنىڭ اقپارى بويىنشا, EADS اۋە-عارىش كونتسەرنى ماماندارىنىڭ كومەگىمەن جاساپ شىعارىلعان جاڭا قۇرىلعى بيولوگيالىق جۇرەك سياقتى جۇمىس ىستەيدى. جاڭا قۇرىلعىنىڭ وزگە جاساندى جۇرەكتەردەن ەرەكشەلىگى, ول ناۋقاسقا فيزيكالىق اۋىرتپالىق تۇسكەن جايعدايدا جۇرەك قاعىسىن سىرتتان رەتتەۋدى قاجەت ەتپەيدى. وعان قىسىم مەن بيىكتىك داتچيكتەرى ورناتىلعان. ولار اۋىرتپالىقتىڭ وزگەرۋىنە بايلانىستى جۇرەكتەگى قان اينالىمىن كوبەيتىپ نە ازايتىپ وتىرادى.
سالماعى شامامەن 900 گرام تارتاتىن جاساندى جۇرەكتىڭ باعاسى 250 مىڭ اقش دوللارىن قۇرايدى ەكەن.
ايدار ورىسباەۆ.
دەرەككوز: Utro.ru
فوتو: Ilive.co.ua