تۇركىستان قالاسىنداعى قۇرىلىس الاڭدارىن ارالاپ, ونداعى جۇمىس بارىسىن باقىلاعان وبلىس اكىمى ومىرزاق شوكەەۆ وتاندىق, جەرگىلىكتى قۇرىلىس ماتەريالدارىنا باسىمدىق بەرۋدى تاپسىردى. قۇرىلىستىڭ ساپاسى قاتاڭ باقىلاۋدا ەكەنىن ەسكەرتتى, دەپ حابارلايدى Egemen.kz.
تۇركىستاننىڭ برەندىنە اينالاتىن نەگىزگى جوبالاردىڭ ءبىرى – «كەرۋەن ساراي» ناۋرىز ايىنىڭ اياعىندا پايدالانۋعا بەرىلەدى. جيىرما گەكتاردان استام اۋماقتا ورنالاسقان كوپفۋنكتسيونالدى تۋريستىك كەشەندە كينوتەاتر, شىعىس بازارى, امفيتەاتر, حالىقارالىق دەڭگەيدەگى قوناقۇيلەر, مەيرامحانالار, جاساندى كول بار. تۇرعىنداردىڭ يگىلىنە قىزمەت كورسەتەتىن بىرەگەي جوبادا كونە شاھاردىڭ كورىنىسى ساقتالعان. مەملەكەتتىك-جەكەمەنشىك ارىپتەستىك اياسىندا «Sembol construction» تۇرىك كومپانياسى قولعا العان كەشەن حالىقارالىق تالاپتارعا ساي سالىنۋدا.
وبلىس باسشىسى ارالاعان قوناقۇيلەردە 100-دەن استام بولمەلەر, دەمالىس ايماعى, فيتنەس ورتالىقتارى ورنالاسقان. قۇرىلىسقا 500-دەن استام جۇمىسشى جۇمىلدىرىلعان. سونداي-اق ءو.شوكەەۆ ياساۋي مۇراجايىندا بولدى. ءۇش قاباتتى نىساننىڭ قۇرىلىسى تولىق اياقتالىپ, ىشكى جۇمىستارىنا بىلىكتى ديزاينەرلەر تارتىلعان. ءتۋريزمدى تۇلەتۋگە باسىمدىق بەرىلگەن تۇركىستاننىڭ رۋحاني-مادەني ورتالىعىندا, كەسەنە ماڭىندا بوي كوتەرگەن ءزاۋلىم عيماراتتىڭ جالپى اۋدانى – 3 مىڭ شارشى مەتر. كەلەشەكتە مۇندا 100 ادام جۇمىسپەن قامتىلماق.