بۇگىن ۇكىمەت وتىرىسىندا قارجى ءمينيسترى ەرۇلان جاماۋباەۆ وسى جىلدان باستاپ قازاقستاندىقتاردىڭ شەتەلدەگى ەسەپشوتتارى تەكسەرىلەتىنىن مالىمدەدى, دەپ حابارلايدى Egemen.kz
«كاپيتالدى شەتەلگە شىعارۋعا جانە ەكونوميكانى دەوفشوريزاتسيالاۋعا قارسى ءىس-قيمىل بويىنشا كەشەندى جۇمىستار جۇرگىزىلىپ جاتىر. ەكونوميكالىق ىنتىماقتاستىق جانە دامۋ ۇيىمى, حالىقارالىق قارجى ۇيىمدارىمەن مالىمەتتەردى ەلەكتروندىق الماسۋ اياسىندا كوپجاقتى كونۆەنتسياعا قول قويىلدى», دەدى مينيستر ۇكىمەت وتىرىسىندا.
سونداي-اق ول بيىلدان باستاپ ءبىزدىڭ ازاماتتارىمىزدىڭ 100-دەن استام يۋريسديكتسيادا قارجىلىق شوتى بويىنشا اقپارات الماسۋ باستالاتىنىن ەسكە سالدى.