ەلوردالىق مونيتورينگ توبى كارانتيندىك شەكتەۋ شارالارىن بۇزاتىن كاسىپكەرلىك سۋبەكتىلەرىن انىقتاۋ جۇمىستارىن جالعاستىرۋدا, دەپ حابارلايدى قالا اكىمدىگىنىڭ رەسمي سايتى.
ەسىل اۋدانىندا 5 اقپان كۇنى مونيتورينگتىك توپ بەلگىلەنگەن جۇمىس ءتارتىبىن بۇزعان 2 قوعامدىق تاماقتانۋ ورنىن انىقتادى: "Wall Street Restaurant" مەيرامحاناسى جانە "The Wine Cafe" شاراپ بارى.
الماتى اۋدانىندا 4 مەكەمە كارانتين رەجيمىن بۇزدى: NE Bar, «شيشكا» Lounge Bar, «Ragnarok» كومپيۋتەرلىك كلۋبى, «الانيا» تۇنگى كلۋبى.
بايقوڭىر اۋدانىنىڭ مونيتورينگ توبى 4 كاسىپكەردى كارانتين شارالارىن بۇزدى دەپ ايىپتادى. سونىمەن, ۇيلەستىرۋ ورتالىعىنا «كاكيە ليۋدي» رەستو-بارى جانە «شاشلىكوFF» گريل-بارى جۇمىس رەجيمىن ساقتاماعانى تۋرالى حابارلاما جولداندى. سونداي-اق, بۇل تىزىمدە Zara جانە ZAZA تۇنگى كلۋبتارى بار.
سارىارقا اۋدانىندا ساعات 22.00-دەن كەيىن Nirvana, Chili Gril, "ۋگول" بارلارى جۇمىس ىستەدى, Basilic كافەسىندە كەلۋشىلەر سانى بەلگىلەنگەن نورمادان اسىپ كەتتى. Jax ويىن كلۋبى جۇمىس ىستەۋىنە تىيىم سالىنعانىنا قاراماستان كارانتين رەجيمىن بۇزىپ, جۇمىسىن جالعاستىردى.
بارلىق قۇقىق بۇزۋشىلارعا قاتىستى اكىمشىلىك ءىس قوزعالىپ, ايىپپۇل سالىندى.مونيتورينگتىك توپتار ازاماتتارعا جانە مەكەمە يەلەرىنە كارانتين رەجيمى جالعاسىپ جاتقانىن جانە باس سانيتارلىق دارىگەردىڭ قاۋلىسىنىڭ تالاپتارىن ساقتاۋ قاجەتتىگىن ەسكەرتەدى. ءتارتىپ بۇزۋشىلار قولدانىستاعى زاڭناماعا سايكەس جاۋاپكەرشىلىككە تارتىلادى.
ەلوردادا كارانتين تالاپتارىن قايتا كۇشەيتۋدى بولدىرماۋ ءۇشىن نۇر-سۇلتاننىڭ باس سانيتارلىق دارىگەرى قالا تۇرعىندارى مەن قوناقتارىن سانيتارلىق ەرەجەلەردى ساقتاۋعا شاقىرادى. قازىر ۆيرۋس ءالى دە باسىلعان جوق.