اقش-تا العاش رەت ەر ادامنىڭ بەت-ءجۇزىن جانە قولىنىڭ بىلەكتەرىن قايتا قالپىنا كەلتىرۋگە باعىتتالعان وپەراتسيا ءساتتى ءوتتى. ونى نيۋ-يورك دارىگەرلەرى 2018 جىلى جول-كولىك اپاتىنا تۇسكەن 22 جاستاعى دجو ديمەوعا جاسادى, دەپ حابارلايدى Egemen.kz
ءۇش جىل بۇرىنعى وقيعا كەزىندە جاس جىگىتتىڭ كولىگى ورتەنىپ, دەنەسىنىڭ 80 پروتسەنتى كۇيىك شالعان. ساۋساقتارى كەسىلىپ, بەت-الپەتىنىڭ ءبىرازى كۇيىپ قالعان. اپاتتان كەيىن ديمەوعا 20-عا جۋىق وپەراتسيا جاسالدى. ال سوڭعى وپەراتسيا 23 ساعاتقا سوزىلىپ, شاراعا 140 دارىگەر قاتىستى.
ايتا كەتەيىك, الەمدە بۇعان دەيىن وسىنداي 2 وپەراتسيا جاسالعان. بىراق ولار ءساتسىز اياقتالعان ەدى.