قىزىلوردا قالاسىندا «COVID-19» جۇقپاسىنا قارسى ەكپە جاساۋ جۇمىستارى قارقىندى جۇرۋدە. وبلىس ورتالىعىندا 3 كۇن ىشىندە 340 ادام ۆاكتسينا سالدىرعان. ونىڭ ىشىندە 320-سى مەديتسينا قىزمەتكەرلەرى, قالعانى قاراپايىم تۇرعىندار.
قالالاداعى №6 قالالىق ەمحانانىڭ اعا مەيىربيكەسى ءلاززات بايتابىنوۆا ەرىكتى تۇردە ەكپە العانداردىڭ ءبىرى.
«تۇرعىندارمەن ءجيى قاتىناسقا تۇسەتىندىكتەن مەديتسينا قىزمەتكەرلىنىڭ ۆيرۋس جۇقتىرۋ قاۋپى وتە جوعارى. سوندىقتان دارىگەرلەردىڭ ەكپە سالدىرعانى دۇرىس دەپ ەسەپتەيمىن. قازىرگى تاڭدا وسى ۆاكتسيناتسيانىڭ ارقاسىندا كوپتەگەن دەرتتىڭ الدىن الۋعا قول جەتكىزدىك. بۇل ۆاكتسينانىڭ دا كوروناۆيرۋس ينفەكتسياسىنىڭ قاۋپىن سەيىلتەرىنە سەنىمدىمىن», دەيدى ول.
ۆاكتسيناتسياعا قالاداعى №1, №3 جانە №6 ەمحانالاردان 3 ەگۋ كابينەتى دايىندالعان. ماماندار ەكپە قابىلداعاندار تاراپىنان ەش شاعىم تۇسپەگەنىن ايتادى.