قىزىلوردا قالاسىنىڭ اكىمى قوعامدىق كەڭەس الدىندا ەسەپ بەردى

جالپى جىل قورىتىندىسىندا سىردىڭ باس شاھارى بارلىق نەگىزگى كورسەتكىشتەر بويىنشا وڭ ناتيجەلەرگە يە بولدى. اتاپ ايتقاندا, قالا بيۋدجەتى 94 ملرد تەڭگەنى قۇراپ, ونەركاسىپ ونىمدەرىنىڭ ءوندىرىس كولەمى 480 ملرد تەڭگەگە جەتكەن. نەگىزگى كاپيتالعا سالىنعان ينۆەستيتسيا كولەمى 105 پايىزعا ارتىعىمەن ورىندالىپ, وبلىسقا سالىنعان ينۆەستيتسيانىڭ 52 پايىزى قىزىلوردا قالاسىنىڭ ۇلەسىنە تيەسىلى بولدى.

قوعامدىق كەڭەس مۇشەلەرىنە ەسەپ بەرۋ بارىسىندا  قالا اكىمى 2020 جىلى قارجىلاندىرۋدىڭ بارلىق كوزدەرى ەسەبىنەن جالپى اۋدانى 371 مىڭ 314 شارشى مەتر تۇرعىن ءۇي پايدالانۋعا بەرىلگەنىن ايتتى.

«جول-كولىك ينفراقۇرىلىمىن دامىتۋدا دا جاڭا جوبالار جۇزەگە استى. رەسپۋبليكالىق جانە جەرگىلىكتى بيۋدجەتتەن بولىنگەن  9 ملرد تەڭگەگە 408 كوشەگە اعىمداعى, ورتاشا جانە كۇردەلى جوندەۋ جۇمىستارى جۇرگىزىلدى» -  دەگەن شاھار باسشىسى بىرنەشە مادەنيەت, ءبىلىم نىساندارى كۇردەلى جوندەۋدەن وتكىزىلىپ, «تاعزىم» مەموريالى, "سىر انا" مونۋمەنتى, «تەمىر جول» پاركى, نازارباەۆ داڭعىلى اباتتاندىرىلعاندىعىن دا اتاپ ءوتتى.

بيىلعى جۇمىس جوسپارىن ورتاعا سالعان قالا اكىمى 51,3 شاقىرىم بولاتىن 94 كوشەگە قيىرشىق تاس توسەلىپ, سىرداريا وزەنىنىڭ سول جاعالاۋىنان اپاتتىق ۇيلەردە تۇراتىن وتباسىلار ءۇشىن 50 پاتەرلىك  تۇرعىن ءۇي قۇرىلىسى جۇرگىزىلەتىنىن جەتكىزدى,  قالا  اكىمدىگىنە حالىقتان كەلىپ تۇسكەن ارىز-شاعىمداردىڭ باسىم بولىگى كوپ بالالى وتباسىلاردى تۇرعىن ۇيمەن قامتاماسىز ەتۋگە قاتىستى بولىپ وتىر. وسىعان بايلانىستى قالادا جەكە ينۆەستورلار قارجىسىنا سالىنىپ جاتقان تۇرعىن ۇيلەردەن 60 پاتەر ساتىپ الىنادى. تۇرعىندار وتىنىشىنە وراي كوپ قاباتتى ۇيلەردىڭ اۋلالارىنا  ويىن الاڭدارىن سالۋ باعىتىندا جۇمىستار جۇرگىزىلەتىندىگىن اتاپ ءوتتى. سونىمەن قاتار جوسپارعا ساي نەگىزگى باسىمدىق – جۇمىسپەن قامتۋ جانە الەۋمەتتىك قورعاۋ, ەكونوميكانى ءارتاراپتاندىرۋ, ينفراقۇرىلىمدى دامىتۋ سەكىلدى ماسەلەلەرگە بەرىلگەندىگىن ايتتى.

ەسەپتىك كەزدەسۋدە ء سوز العان قالالىق ءماسليحات حاتشىسى يبادۋللا قۇتتىقوجاەۆ 2020 جىلى قالادا اۋقىمدى جۇمىس جاسالعاندىعىن ايتا وتىرىپ, جىل كولەمىندە قالا اكىمدىگىنە قاراستى مەكەمەلەردە سىبايلاس جەمقورلىق فاكتىلەرى تىركەلمەگەنىنە ەرەكشە توقتالدى. بۇل سىبايلاس جەمقورلىق تاۋەكەلدەرىنىڭ الدىن الۋ باعىتىندا جۇرگىزىلگەن جۇيەلى جۇمىستاردىڭ ناتيجەسى ەكەندىگىن اتاپ ءوتتى.