تۇركىستان وبلىسى شاردارا اۋدانىندا 746 «التىن القا» جانە 2064 «كۇمىس القا» يەگەرلەرى اتانعان كوپبالالى انالار تۇرادى. كۇنى كەشە اۋدان اكىمى ق. جولدىباي كوپبالالىلار قاتارىن ارتتىرا تۇسكەن انالارعا قۇرمەت كورسەتتى, دەپ حابارلايدى Egemen.kz.
«سىزدەر اۋدانىمىزدىڭ دەموگرافيالىق وسۋىنە ىقپال ەتە وتىرىپ, ەل تۇتقاسىن ۇستار بولاشاق ۇرپاقتارىمىزدى تاربيەلەۋدەسىزدەر. «الىپ انادان تۋادى» دەگەن ءسوز بار حالقىمىزدا. وزدەرىڭىزدەي باتىر انالارىمىز باردا جارقىن ەلدىڭ ەرتەڭىنە نىق سەنىم ورنايدى. مەملەكەتىمىزدىڭ دامۋىنا ەلەۋلى ۇلەس قوسار ازاماتتارىمىزدىڭ قاتارى كوبەيىپ, ۇلتىمىزدىڭ ءوسىمى ارتادى», دەدى اۋدان اكىمى.
سونداي-اق اۋدان باسشىسى انالارعا «التىن القا» جانە «كۇمىس القا» القاسىن تابىس ەتتى.