ەۋروپا وداعى 2016 جىلعا بەلگىلەنگەن تەمەكى ونىمدەرىنە قاتىستى زاڭدارىن قايتا كۇشەيتتى. بۇل تۋرالى يتار-تاسس حابارلادى.
ەۋروپا وداعى كەڭەسى تەمەكى ونىمدەرىن ءوندىرۋ مەن ساتۋعا, ونىڭ قورابىن ازىرلەۋ مەن ەلەكتروندى تەمەكى ساتۋ ءتارتىبى بويىنشا جاڭا شەكتەۋلەر قويدى.
زاڭناماعا سايكەس, تەمەكى ونىمدەرى ساقتالاتىن قوراپ سىرتىنىڭ 65 پايىزى ونىڭ زياندىلىعىن كورسەتەتىن ەسكەرتپەلەرمەن تولتىرىلۋى قاجەت. سونداي-اق قوراپتا مىندەتتى تۇردە «شىلىم شەگۋ ولىمگە اپارادى» جانە «تەمەكى تۇتىنىندە قاتەرلى ىسىكتىڭ پايدا بولۋىنا ىقپال ەتەتىن 70-تەن اسا زياندى زات بار» دەگەن مالىمەتتەر جازىلۋى ءتيىس. ال ازىرگە 2007 جىلى بەكىتىلگەن نۇسقاۋ بويىنشا تەمەكى قورابىنىڭ 30 پايىزى عانا اتالمىش سيپاتتاعى ەسكەرتپەلەرمەن تولتىرىلادى.
ەۋروپا وداعى سونداي-اق حوش يىستەندىرگىشتەرگە دە تيىم سالادى. 2016 جىلدان باستاپ ەۋروپادا ۆانيل مەن جەمىستەردىڭ, ال 2020 جىلدان باستاپ جالبىزدىڭ ءيىسى بار تەمەكىلەردىڭ ءوندىرىلۋى مەن ساتىلۋىنا تيىم سالىنادى. بۇل شارا جاستاردىڭ, اسىرەسە, جاس قىزداردىڭ تەمەكىگە دەگەن قىزىعۋشىلىعىن تومەندەتەدى دەپ كۇتىلۋدە.
ايدار ورىسباەۆ.
دەرەككوز: Itar-tass.com
فوتو: Radiovesti.ru