كەزىندە ەلدىڭ استاناسى بولعان اقمەشىتتە تاريحي ورىندار كوپ. سونىڭ ءبىرى – ىرگەسى ءحىح عاسىردا قالانىپ, اۋەلى قىزدار پريحود ۋچيليششەسى, كەيىننەن پەروۆسك ۋچيليششەسى, 1925-1929 جىلدارى باسپاحانا ورنالاسقان عيمارات.
قازىر «ال-اساد» ساۋدا ءۇيى قونىستانعان تاريحي نىسان 1878 جىلى ينجەنەر, گەنەرال بريۋنونىڭ جوباسى بويىنشا سالىنىپتى.
سالىنعانىنا ەكى جارىم عاسىرعا جۋىقتاعان عيماراتتا 1925-1929 جىلدارى «ەڭبەكشى قازاق» پەن «سوۆەتسكايا ستەپ», باسقا دا گازەت-جۋرنالدار باسىلىپ, ەلىمىزدىڭ ءار تۇكپىرىنە تاراپ تۇرعان. ەل بايتاعى سىردان الاتاۋ باۋرايىنا كوشكەن كەزەڭنەن باستاپ 1973 جىلعا دەيىن وبلىستىق كىتاپحانا, تىگىن-توقىما فابريكاسى ورنالاسىپتى.
عيمارات كونە ساۋلەت ونەرىنىڭ ۇلگىسى جەرگىلىكتى ماڭىزى بار تاريحي جانە مادەني ەسكەرتكىشتەردىڭ مەملەكەتتىك تىزىمىنە ەنگىزىلگەن.
ايتپاقشى, 1899-1902 جىلدارى ارالىعىندا وسى نىساندا ورىن تەپكەن پەروۆسك ۋچيليششەسىندە الاش قايراتكەرى مۇستافا شوقاي دا ءبىلىم العان. وسىعان بايلانىستى ءتورت جىل بۇرىن عيماراتقا ەسكەرتكىش تاقتا ورناتىلدى.
قىزىلوردا