سىر ەلىندە يندۋستريالاندىرۋ باعدارلاماسىنىڭ ءى جانە ءىى بەسجىلدىقتارى اياسىندا قۇنى 150 ملرد تەڭگە بولاتىن 26 جوبا جۇزەگە اسىپ, 1,7 مىڭ قىزىلوردالىق جۇمىس تاپقان, دەپ حابارلايدى ەgemen.kz
ال بىلتىر ءوندىرىس ورىندارىن كوبەيتۋ باعىتىندا 68,1 ملرد تەڭگەلىك 20 جوبا وڭىرلىك كاسىپكەرلىكتى قولداۋ كارتاسىنا قوسىلدى. بيىل ولاردىڭ قاتارى تاعى 19 جاڭا جوبامەن تولىعادى. ونىڭ 5-ءۋى قىزىلوردا قالاسىنان بولسا, اۋدانداردىڭ ارقايسىسىنان 2 جوبادان ەنىپ وتىر. الدا وڭىردە قۇرىلىس يندۋسترياسى بويىنشا شاعىن ارماتۋرا زاۋىتى, اسفالتبەتون زاۋىتى, شىنى تالشىقتى جانە كومپوزيتتى ماتەريالدار, قۇرعاق قوسپالار ءوندىرۋ زاۋىتى مەن جاڭاقورعان اۋدانىنان كەرامزيت جانە كەرامزيت بلوكتارىن شىعارۋ قولعا الىنادى.
ال, تاۋ-كەن جانە مەتاللۋرگيا ونەركاسىبى سالاسىندا پوليمەتالل كەندەرىن قايتا وندەيتىن تاۋ-كەن كومبيناتى, كۆارتس قۇمىن بايىتۋ كومبيناتىنىڭ ءى كەزەڭى ىسكە اسادى. اۋىل شارۋاشىلىعى باعىتىنداعى 11 جوبا جاڭادان 873 جۇمىس ورنىنىڭ اشىلۋىنا سەپ بولماق.
ايتا كەتەيىك, ايماقتا ءبىر جىل ىشىندە ىسكە قوسىلعان جوبالار ناتيجەسىندە 34,9 ملرد تەڭگەنىڭ ءونىمى وندىرىلگەن.