تۇركىستان وبلىسىندا قار قۇرساۋىندا قالعان وتباسىلارعا كومەك كورسەتىلدى, دەپ حابارلايدى ەgemen.kz
كەنتاۋ-اششىساي اۆتوكولىك جولدارى وتكەن اپتا سوڭىندا اۋا-رايىنىڭ كۇرت وزگەرۋىنە بايلانىستى ۋاقىتشا جابىلعان بولاتىن. اۋىل تۇرعىندارى قار قۇرساۋىندا قالىپ, قاتىناس قيىندادى. وسىعان بايلانىستى كەنتاۋ قالاسى اكىمدىگىنىڭ ۇيىمداستىرۋىمەن, تۇركىستان وبلىسى توتەنشە جاعدايلار دەپارتامەنتىنىڭ وكىلدەرى جانە №12 ءوسب جەكە قۇرامى اششىساي اۋىلىنداعى تاۋلى اۋماقتىڭ تۇرعىندارىنا كومەك قولىن سوزعان. قولايسىز اۋا-رايى كەزىندە جول تالعامايتىن «كاماز» جۇك كولىگىمەن اششىساي اۋىلىنداعى 40 وتباسىن ازىق-ت ۇلىكپەن قامتاماسىز ەتتى.
تۇرعىنداردىڭ قاۋىپسىزدىگىن قامتاماسىز ەتۋ ماقساتىندا «اۆتوكولىك يەلەرىنىڭ نازارىنا, ۇزاق جولعا شىقپاۋلارىن قاتاڭ ەسكەرتۋ» تاقىرىبىندا - «Facebook», «Instagram», «Twitter», «WhatsApp» ينتەرنەت جەلىلەرىنە بەينەتۇسىرىلىم ارقىلى داۋىلدى ەسكەرتۋ جونىندە حابارلاندىرۋلار جاريالانعان. الايدا وعان قاراماستان الىس جولعا شىققان تۇرعىندار قار قۇرساۋىندا قالىپ, قۇتقارۋشىلاردىڭ كومەگىنە جۇگىنگەن. كەنتاۋ قالاسىنداعى №12 ءوسب بايلانىس بەكەتىنە جولدا قالىپ قويعان اۆتوكولىك يەلەرىنەن كومەك سۇراعان قوڭىراۋلار كوبەيگەن. توتەنشە جاعدايلار ءبولىمىنىڭ قىزمەتكەرلەرى جانە №12 ءوسب جەكە قۇرامىمەن جەدەل قۇتقارۋ جۇمىستارى جۇرگىزىلدى.