اقتوبە وبلىسىندا دەسترۋكتيۆتى ءدىني اعىم ۇستانۋشىلارى ەسىرتكىمەن ۇستالدى, دەپ حابارلايدى Egemen.kz ۇقك ءباسپاسوز قىزمەتىنە سىلتەمە جاساپ.
«13 قاڭتاردا ۇقك اتىراۋ وبلىسى بويىنشا دەپارتامەنتى اقتوبە وبلىسى بويىنشا دەپارتامەنتىمەن بىرلەسە وتىرىپ, جۇرگىزىلگەن جەدەل-ىزدەستىرۋ ءىس-شارالارى ناتيجەسىندە وسىمدىك ءتۇرلى ەسىرتكى تاسىمالداۋ ارناسىن ۇيىمداستىرۋعا قاتىستى بار توپ مۇشەلەرىن قۇرىقتادى. بۇل فاكت قر قك 297-بابىنىڭ 3-بولىگىنىڭ 3-تارماعى (ەسىرتكى, پسيحوتروپتى زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ) بويىنشا سوتقا دەيىنگى تەرگەۋ باستالدى», دەلىنگەن حابارلامادا.