ءدارى-دارمەك قورى جەتكىلىكتى

وسى كۇنگە دەيىن ىندەتتەن 3 408 ناۋقاس جازىلىپ شىققان. 20 قاڭتار كۇنگى مالىمەتتە 6 ادامنىڭ ىن­دەت جۇقتىرىپ, 7 تۇرعىننىڭ دەرتتەن قۇلانتازا ايىعىپ شىققانى كورسە­تىل­گەن.

قازىر ينفەكتسيالىق ستاتسيوناردا – 27, ال ستاتسيوناردىڭ رەانيماتسيا بولىمىندە 3 ناۋقاس ەم الىپ جاتىر. ەپيدەميا باستالعالى بەرى وبلىس تۇرعىندارىنان 183 473 سىناما الىنعان. وبلىس اۋماعىندا 138 ءموبيلدى توپ جۇمىس ىستەپ جاتىر.

وبلىس ىندەتكە قارسى دارىلىك زاتتارمەن جەتكىلىكتى قامتىلعانىن دا ايتا كەتەيىك. جىل باسىنان بەرى قۇنى 155,3 ملن تەڭگە بولاتىن 6 ميلليونعا جۋىق دارىلىك زات الىندى. جۋىردا تاعى 124 ملن تەڭگەگە پرەپاراتتار جەتكىزىلەدى.

– قازىر انتيبيوتيكتەردىڭ 382 755, ۆيرۋسقا قارسى پرە­پا­رات­تار­دىڭ 15 221, انتيكواگۋ­ليانت­تاردىڭ 1 317, ىستىقتى تۇسىرەتىن دارىلەردىڭ 166 687 قورابى بار. بيىل 6 512 دارىلىك زات اتاۋىنا شەكتى باعا بەكىتىلدى. سونىمەن قاتار, ۆيرۋسقا قارسى 134 دارىگە نارىقتان تومەن شەكتى باعا ەنگىزىلىپ وتىر. قاجەتتى ءدارى-دارمەكتەرگە مونيتورينگ تۇراقتى جۇرگىزىلۋدە, – دەيدى وبلىستىق مەديتسينالىق جانە فارماتسەۆتيكالىق باقىلاۋ دەپارتامەنتىنىڭ ءبولىم باسشىسى نۇربەك ءادىلحانوۆ.

قىزىلوردا وبلىسى