بۇگىن, 15 جەلتوقسان كۇنى استانا قالاسىنىڭ بوكسشىلارىقازاقستان بوكس فەدەراتسياسىنىڭ كۋبوگىن جەڭىپ الدى. ولار فينالدا ماڭعىستاۋ وبلىسى كومانداسىن 6:4 ەسەبىمەن ۇتتى. بۇل تۋرالى قازاقستان بوكسىنىڭ ۆكونتاكتە سايتى حابارلادى.
سوڭعى ەكى جەكپە-جەككە دەيىن ەسەپ 4:4 بولىپ تۇردى. سودان سوڭ جەڭىسكە جەتكەن ۆاسيلي لەۆيت (91 كگ) پەن ەرمەك ۇسەنوۆ (+91) ءوز ۇجىمىنا جەڭىس الىپ بەردى. ولا تيىسىنشە ازامات ابىلەۆ پەن ماعجان بازاربايدى ۇتتى. بۇلاردىڭ العاشقى جۇبى ءبىرىنشى راۋندتا تەحنيكالىق نوكاۋتپەن اياقتالدى.
ال شارشى الاڭعا ءبىرىنشى بولىپ 49 كيلوداعى ازات قامزين (استانا) مەن قۋانىشباي سارسەنباەۆ (ماڭعىستاۋ) شىقتى. ۇرىس بۇلاردىڭ ءبىرىنشىسىنىڭ 3:0 (29:28, 29:28, 30:27) ەتىپ ۇتۋىمەن اياقتالدى. بۇدان كەيىن 52 كيلوعا دەيىنگى سالماقتاعى ءىلياس سۇلەيمەنوۆ ءوزىنىڭ نۇرجان قوشانوۆتان باسىم ەكەىن 3:0 (30:27, 30:27, 30:27) دەگەن ەسەپپەن دالەلدەدى. العاشقى ەكى جەڭىستى 56 كيلوعا دەيىنگى مەيىربولات تويىتوۆ ودان ءارى ءوسىرىپ, 3:0-گە جەتكىزدى. ونىڭ دا قانات كوپتىلەۋوۆپەن شايقاسىنىڭ ەسەبى جوعارىداعىداي – 3:0 (30:27, 30:27, 30:27).
ماڭعىستاۋلىقتار وسىندان سوڭ عانا ەكى ۇرىستىڭ ەسەسىن قايتارا الدى. ونى 60 كيلوداعى بەرىك ءابدىراحمانوۆ پەن 64 كيلوداعى جانىبەك ءاجىباي جاسادى. بۇلار تيىسىنشە دارحان جۇمساقباەۆ پەن داۋلەت داۋكەنوۆتى تىزە بۇكتىردى. مۇندا دا جوعارىدا سوڭعى ەكى ەسەپ اينا-قاتەسىز قايتالاندى.
استانالىق مەيىرىم نۇرسۇلتانوۆتىڭ (69 كگ) ماڭعىستاۋلىق سۋلەيمان بەردۋكاەۆپەن ايقاسى ەكىنشى راۋندتا تەحنيكالىق نوكاۋتپەن اياقتالدى. ال 75 كيلودا ماڭعىستاۋلىق ەرىك ءالجانوۆ قارسىلاسى اسلانبەك داربەكتى دە ەكىنشى راۋندتا تەحنيكالىق نوكاۋتپەن ۇتىپ, الدىڭعى جۇپتاعى ەسەنى قايتاردى. مۇنىڭ سوڭىن الا رينگكە شىققان 81 كيلوداعى ادىلبەك نيازىمبەتوۆ استانالىق داۋرەن ەلەۋسىنوۆتەن 3:0 (29:28, 29:28, 30:27) ەسەبىمەن باسىم ءتۇسىپ, ءسوز باسىندا ايتقان 4:4 دەگەن ەسەپكە تابان تىرەتتى.
وسىلايشا استانا قۇراماسى قازاقستان بوكس فەدەراتسياسىنىڭ كۋبوگىن جەڭىپ الدى.
ەسكە سالا كەتەيىك, استانا كومانداسى جارتىلاي فينالدا وڭتۇستىك قازاقستان قۇراماسىن 6:5 ەتىپ ۇتسا, ال ماڭعىستاۋ وبلىسى قاراعاندى جاساعىن 7:3 ەتىپ ۇتقان بولاتىن.
رۋسلان يگىلىك.
دەرەككوز: قازاقستان بوكسىنىڭ ۆكونتاكتە سايتى.