قىزىلوردا وبلىسىندا «كىشى قالالاردى دامىتۋ» باعدارلاماسى اياسىندا بيۋدجەتتەن 1 350,9 ملن تەڭگە ءبولىنىپ, بۇل قارجىعا 13,9 شاقىرىم جول جوندەلەدى, دەپ حابارلايدى Egemen.kz
ماسەلەن, ارال قالاسىندا 5 ءىرى كوشە قايتا جاڭارتىلادى. سونداي-اق وسى شاھارداعى ايتەكە بي كوشەسىنە جول سالىنادى. مۇنان بولەك, قازالى قالاسىنداعى كوشەلەردى قايتا جاڭارتۋ جۇمىستارى باستالادى.
وڭىردە «اۋىل ەل بەسىگى» باعدارلاماسى قايتا جالعاسادى. وتكەن جىلى 8 ەلدى مەكەندە 60 ينۆەستيتسيالىق جوبا قابىلدانىپ, اۋىل-اۋىلداردا جول جوندەلگەن. ناتيجەسىندە 3278 تۇرعىن ۇيگە سەرۆيستىك سۋ جەلىسى جۇرگىزىلىپ, 23,2 شاقىرىم اۋىلىشىلىك كوشەلەرگە جارىق ورناتىلىپ, 68,6 شاقىرىم كوشە جوندەۋدەن وتكەن. ال, بيىلعى جىلى رەسپۋبليكالىق بيۋدجەتتەن 9 جوباعا قارجى ءبولىنىپ, قازالى, قارماقشى, سىرداريا, جالاعاش اۋداندارىنىڭ ەلدى مەكەندەگى كوشەلەر جوندەۋدەن وتەدى.