بيىل «نۇرلى جەر» باعدارلاماسى اياسىندا تۇرعىن ءۇي قۇرىلىسىنا 7 ملرد تەڭگە قارجى ءبولىندى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق قۇرىلىس, ساۋلەت جانە قالا قۇرىلىسى باسقارماسى باسشىسىنىڭ ورىنباسارى ارنۇر نۇرماعانبەتوۆ مالىمدەدى.
جىل ىشىندە 2172 پاتەرلىك 98 تۇرعىن ءۇيدىڭ قۇرىلىسى سالىنادى. حالىقتىڭ الەۋمەتتىك وسال توپتارى مەن كوپ بالالى وتباسىلار ءۇشىن 342 پاتەر ساتىپ الىنادى. وعان بيۋدجەتتەن 2,9 ملرد تەڭگە ءبولىندى. باسپانانىڭ 192-ءسى قالا, قالعانى اۋدان تۇرعىندارىنا بەرىلەدى. جالعا بەرىلەتىن 95 تۇرعىن ءۇي سالۋ جوسپارلانۋدا.
- جۇمىسپەن قامتۋ 2020-2021 جىلدارعا ارنالعان جول كارتاسى اياسىندا 75 پاتەرلى 41 تۇرعىن ءۇيدىڭ قۇرىلىسى جۇرگىزىلەدى. كرەديتتىك تۇرعىن ۇيلەر بويىنشا بارلىعى 665 پاتەردى قۇرايتىن 38, جەكە قاراجات ەسەبىنەن 220 پاتەردى قۇرايتىن 6 تۇرعىن ءۇيدىڭ قۇرىلىسى سالىنادى. جالپى وبلىستا بيىل 644,7 مىڭ شارشى مەتر كولەمىندە تۇرعىن ءۇي پايدالانۋعا بەرۋ جوسپارلانىپ وتىر, - دەدى باسقارما باسشىسىنىڭ ورىنباسارى.