قىزىلوردا وبلىسى پوليتسيا دەپارتامەنتىنىڭ ماماندارى بىلتىر قىزمەتتىك-ىزدەستىرۋ يتتەرى ارقىلى 192 قىلمىستى اشتى, دەپ حابارلايدى Egemen.kz.
بۇگىندە كينولوگيالىق قىزمەت ورتالىعىندا ارنايى قىزمەتتىك-ىزدەستىرۋگە ۇيرەتىلگەن 16 يت بار. ولاردى 5 كينولوگ مامان باپتاپ ۇيرەتۋدە. يتتەردىڭ ءىز كەسۋ, ەسىرتكى, جارىلعىش زاتتاردى ىزدەۋ, قوعامدىق قاۋىپسىزدىكتى ساقتاۋ جانە ودورولوگيا باعىتىندا پوليتسيا قىزمەتكەرلەرىنە كومەگى كوپ بولىپ تۇر.
بيىل 10 قاڭتاردا قىزىلوردا قالالىق پوليتسيا باسقارماسىنىڭ جەدەل تەرگەۋ توبى قۇرامىندا «لەون» اتتى يتپەن كەزەكشىلىككە تۇسكەن پوليتسيا قىزمەتكەرلەرى پاتەر ۇرىلارىن تاپ باستىرماي ۇستادى.