الماتىدا 46 جاستاعى ايەلدى اۆتوبۋس قاعىپ كەتتى. جاپا شەگۋشى وقيعا ورنىندا كوز جۇمدى, دەپ حابارلايدى Egemen.kz
الماتى قالالىق پوليتسيا دەپارتامەنتىنىڭ مالىمەتىنشە, ادام ولىمىنە اكەپ سوققان جول اپاتى 19 قاڭتار كۇنى تاڭعى ساعات 7-دە بولدى.
«№ 81 اۆتوبۋستىڭ جۇرگىزۋشىسى ەمتسوۆ كوشەسىمەن وڭتۇستىك باعىتتا كەلە جاتىپ رىسقۇلوۆ كوشەسىنە سولعا بۇرىلعان كەزدە جولدى كەسىپ ءوتىپ بارا جاتقان جاياۋ جۇرگىنشىنى قاعىپ كەتتى. 1974 جىلى تۋعان ايەل العان جاراقاتتارىنان وقيعا ورنىندا مەرت بولدى», دەپ حابارلادى پوليتسيادان.
بۇل فاكت قر قىلمىستىق كودەكسىنىڭ 345-بابى, 3-ءبولىمى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى.