بۇگىن ءتۇس اۋا قىزىلوردا - قۇمكول اۆتوجولىنىڭ 69-شاقىرىمىندا «مەرسەدەس بەنتس سپرينتەر» مەن «تويوتا حايليۋكس» اۆتوكولىكتەرى سوقتىعىسقان.
جول – كولىك وقيعاسى سالدارىنان ەكى اۆتوكولىكتىڭ جۇرگىزۋشىلەرى مەن ءبىر جولاۋشى وقيعا ورنىندا قايتىس بولعان, ەكى جولاۋشى مەديتسينالىق مەكەمەدە ءجانتاسىلىم ەتىپتى. قالعان 5 جولاۋشىعا مەديتسينالىق كومەك كورسەتىلدى.
وقيعا ورنىندا پوليتسيا قىزمەتكەرلەرى, توتەنشە جاعداي جانە مەديتسينا قىزمەتكەرلەرى جۇمىس جاساپ جاتىر. قازاقستان رەسپۋبليكاسى قىلمىستىق كودەكسىنىڭ 345-بابىنىڭ 4-بولىگى بويىنشا سوتقا دەيىنگى تەرگەۋ باستالدى. ءتيىستى ساراپتامالار تاعايىندالىپ, وقيعانىڭ ءمان – جايى انىقتالۋدا.