قىزىلوردا وبلىسىندا زاڭسىز اينالىمنان اتىس قارۋىن تاركىلەۋ, ۇرلانعان, جوعالعان قارۋدى ىزدەستىرۋ جانە اتىس قارۋىن قولدانۋ ارقىلى جاسالاتىن قىلمىستاردىڭ الدىن الۋ باعىتىندا «قارۋ» جەدەل-پروفيلاكتيكالىق ءىس-شاراسى جۇيەلى تۇردە وتكىزىلۋدە, دەپ حابارلايدى Egemen.kz.
شارا بارىسىندا وتكەن جىلى زاڭسىز اينالىمنان 246 قارۋ تاركىلەندى. قۇقىق بۇزۋشىلار قر اقبتك-ءنىڭ 482 بابىمەن اكىمشىلىك جاۋاپقا تارتىلدى. 8 مىڭنان تۇرعىننىڭ اڭشى قارۋىن ساقتاۋ زاڭدىلىعى تەكسەرiلiپ, ازاماتتىق, قىزمەتتiك قارۋدى, وعان ارنالعان پاترونداردى ساقتاۋ, پايدالانۋ جانە تاسىمالداۋ ەرەجەلەرiن بۇزۋ دەرەگىمەن 542 قۇقىق بۇزۋشىلىق انىقتالىپ, اكىمشىلىك شارالار كورىلدى.
2020 جىلعى 1 شىلدەدەن باستاپ رەسپۋبليكا كولەمىندە زاڭسىز ساقتاۋداعى قارۋ, وق-دارىلەر, جارىلعىش زاتتاردى قابىلداۋ اكتسياسى وتكىزىلىپ, ونىڭ بارىسىندا ازاماتتاردان 79 ءوتىنىش ءتۇستى. 126 دانا قارۋ قابىلدانىپ, وبلىسقا رەسپۋبليكالىق بيۋدجەتتەن بولىنگەن 8 ملن 153 مىڭ تەڭگە قاراجات تولىعىمەن يگەرىلدى.