بۇگىنگى ساياسي ناۋقاندا قىزىلوردادا سايلاۋشىلاردىڭ 73,90 پايىزى ءوز تاڭداۋىن جاسادى. بۇل تۋرالى وبلىستىق سايلاۋ كوميسسياسىنىڭ توراعاسى عالىم بايمىرزاەۆ مالىمدەدى, دەپ جازادى Egemen.kz
وبلىستا 492198 سايلاۋشى تىركەلگەن بولسا, بۇگىن سولاردىڭ 363754 مىڭى داۋىس بەردى. ناۋقان بارىسىندا سايلاۋ كوميسسياسىنىڭ 2821 مۇشەسى قىزمەت كورسەتتى. ايماقتاعى 13 مىڭعا جۋىق مۇمكىندىگى شەكتەۋلى سايلاۋشى ءۇشىن 30-عا جۋىق ينۆاتاكسي شىعارىلدى. ال جىلجىمالى جاشىك ارقىلى داۋىس بەرۋگە 2061 ادام ءوتىنىش بىلدىرگەن.