سوڭعى اپتا ىشىندە قىزىلوردا وبلىسىنا التى ميلليون جۇمىرتقا جەتكىزىلىپ, ساۋدا ورىندارىنا تارتىلىپتى, دەپ حابارلايدى Egemen.kz
تاپشىلىقتى بولدىرماۋ ماقساتىندا قوسىمشا تاعى ەكى ميلليون داناسى اكەلىنەدى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق اۋىل شارۋاشىلىعى باسقارماسىنىڭ باسشىسى شاحماردان قويشىباەۆ مالىمدەدى.
«جۇمىرتقا ءىرى ساۋدا ورىندارىنداعى الەۋمەتتىك بۇرىشتاردا 31 تەڭگەدەن, ال قالعان دۇكەندەردە كاتەگورياسىنا قاراي 42-49 تەڭگەدەن ساتىلۋدا. وبلىستا جۇمىرتقاعا تاپشىلىق جوق. سونداي-اق, قانت, قۇس ەتىنىڭ باعاسى تومەندەدى. بۇگىندە تۇراقتاندىرۋ قورىندا 2,4 مىڭ توننا ءونىم ساقتالىپ, ساتىلۋدا. بۇعان قوسا, 23 توننا وسىمدىك مايى جانە 300 توننا كارتوپ ساتىپ الۋ ءۇشىن جۇمىستار جۇرگىزىلۋدە», دەدى باسقارما باسشىسى.