قىزىلوردا وبلىسىندا كيىك اتۋ دەرەگى تىركەلدى. «قۇقىق ءتارتىبى» جەدەل-پروفيلاكتيكالىق ءىس شاراسى بارىسىندا قازاقستان رەسپۋبليكاسى ءىىم بايقوڭىر قالاسىنداعى وكىلدىگىنىڭ قىزمەتكەرلەرى تۇنگى ساعات 03.20 شاماسىندا تورەتام كەنتىنەن «باتىس ەۋروپا – باتىس قىتاي» تاس جولىنا شىعاتىن جولدا «لادا لارگۋس» ماركالى اۆتوكولىكتى توقتاتادى. تەكسەرۋ بارىسىندا اۆتوكولىكتىڭ جۇكسالعىشىنان 4 باس كيىك ۇشاسى تابىلدى. بۇدان بولەك, جۇكسالعىشتان 1 قويان, 12 كاليبرلى ەكى اڭشى مىلتىعى مەن وق دارىلەر ايعاق زات رەتىندە الىندى, دەپ حابارلايدى Egemen.kz.
كيىك اتقان ەكى كۇدىكتىگە قاتىستى قازاقستان رەسپۋبليكاسى قىلمىستىق كودەكسىنىڭ 339-بابى 2-بولىگىنىڭ 2-تارماعىمەن سوتقا دەيىنگى تەرگەپ – تەكسەرۋ امالدارى جۇرگىزىلۋدە. قازىر كۇدىكتىلەرگە قاتىستى بۇلتارتپاۋ شاراسىن تاڭداۋ ماسەلەسى شەشىلۋدە.
بارلىق قاجەتتى ساراپتامالار تاعايىندالدى. پوليتسەيلەر وقيعانىڭ ءمان – جايلارىن انىقتاۋدا.