قىزىلوردا وبلىسى پوليتسيا دەپارتامەنتىنىڭ قىزمەتكەرلەرى مەرەكە كۇندەرى كۇشەيتىلگەن رەجىمدە جۇمىس اتقاردى. قىلمىستىڭ الدىن الۋ, ءىزىن سۋىتپاي اشۋ, قوعامدىق ءتارتىپتى ساقتاۋ, جول اپاتتىلىعىن بولدىرماۋ ماقساتىندا ءبىرشاما جۇمىستار اتقارىلدى, دەپ حابارلايدى Egemen.kz
مەيرام كۇندەرى 34 قىلمىستىق قۇقىق بۇزۋشىلىق ورىن الىپ, ونىڭ 23-ءى تاۋلىك ىشىندە اشىلدى, ال قالعانى بويىنشا جەدەل ىزدەستىرۋ شارالارى جۇرگىزىلۋدە.
وبلىس بويىنشا بارلىعى 636 اكىمشىلىك قۇقىق بۇزۋشىلىق تىركەلىپ, ونىڭ ىشىندە, قوعامدىق ورىنداردا ماساڭ كۇيدە بولعان 50, تۇنگى تىنىشتىقتى بۇزعان 10, الكوگول ونىمدەرىن ساتۋ ءتارتىبىن بۇزعان 3 تۇرعىنعا قاتىستى اكىمشىلىك ىستەر قوزعالدى.
سونىمەن قاتار وبلىس كولەمىندە 493 جۇرگىزۋشى جول ەرەجەسىن بۇزعان. كامەلەتكە تولماعاندار اراسىندا قىلمىستىلىق پەن قۇقىق بۇزۋشىلىقتى الدىن الۋ ماقساتىندا پروفيلاكتيكالىق جۇمىستار اتقارىلدى.
مەرەكە كۇندەرى ىشكى ىستەر ورگاندارىنا ءار ءتۇرلى قۇقىق بۇزۋشىلىق جاساعاندارى ءۇشىن 41 ءجاسوسپىرىم جەتكىزىلدى.
قىزىلوردا وبلىسى اۋماعىندا وتكەن «پيروتەحنيكا» جەدەل پروفيلاكتيكالىق ءىس – شاراسى كەزىندە تىيىم سالىنعان نەمەسە شەكتەلگەن تاۋارلارمەن ساۋدا جاساۋدىڭ 18 دەرەگى انىقتالىپ, ءاربىر قۇقىقبۇزۋشىعا قر اقبتك-ءنىڭ 196-بابىنا سايكەس (تاۋارلارمەن نەمەسە وزگە دە زاتتارمەن زاڭسىز ساۋدا جاساۋ), 25 ايلىق ەسەپتىك كورسەتكىش مولشەرىندە ايىپپۇل سالىندى.