سولتۇستىك قازاقستان وبلىسىنىڭ اۋماعىنان ەكى ەلدىڭ پوليتسياسى ارىپتەستىگىنىڭ ارقاسىندا رەسەي فەدەراتسياسىنىڭ ءتارتىپ ساقشىلارى ىزدەستىرىپ جۇرگەن 20 كۇدىكتى تابىلدى, دەپ حابارلايدى Egemen.kz.
ال رەسەيدەن قازاقستاننان قاشقان 25 كۇدىكتىنىڭ مەكەنجايى انىقتالىپ وتىر.
شەتەلدەگى ارىپتەستەرمەن ورناتىلعان ىنتىماقتاستىق ارقاسىندا سوت پەن تەرگەۋدەن جاسىرىنعان 25 قىلمىسكەردىڭ جۇرگەن جەرى انىقتالدى. ازىرگە رەسەيدە انىقتالعان ەكى سولتۇستىكقازاقستاندىق ەلگە قايتارىلدى, دەيدى سقو پوليتسيا دەپارتامەنتى كريمينالدىق پوليتسيا باسقارماسى ىزدەستىرۋ ءبولىمىنىڭ باستىعى سەيىلحان جۇماعۇلوۆ.
سونىڭ ىشىندە, وتكەن جىلى حالىقارالىق ىزدەۋ جاريالانعان 46 جاستاعى سولتۇستىكقازاقستاندىق وسى ايدا سانكت-پەتەربۋرگتە ۇستالعان. ول ۇرلىق جاساعانى ءۇشىن سوتتالعان بولاتىن. ەشقايدا كەتپەۋ تۋرالى قولحاتپەن جۇرگەن ول سوت وتىرىسىنا كەلمەي, سانكت-پەتەربۋرگكە تابانىن جالتىراتقان. بىراق وندا دا جاي جۇرمەي قاراقشىلىق شابۋىل جاساعان كۇدىكتى رەتىندە قۋدالانىپتى.
قىلمىسكەرلەردى قۋدالاۋ بارىسىنداعى ەكى ەلدىڭ پوليتسەيلەرى اراسىنداعى ارىپتەستىك جالعاسىن تابۋدا.