قىزىلوردا قالاسىنىڭ اكىمى قامقورلىقتى قاجەت ەتەتىن جانداردى قابىلدادى

كەزدەسۋ بارىسىندا تۇرمىستىق قاجەتتىلىككە بايلانىستى شاشتاراز, ساۋدا دۇكەندەرى سىندى تاعى دا باسقا الەۋمەتتىك نىساندارعا بارۋ ءۇشىن ينۆاتاكسي قىزمەتىن قولجەتىمدى ەتۋدى سۇراعان مۇمكىندىگى شەكتەۋلى جاندارعا «سىزدەردىڭ تالاپ-تىلەكتەرىڭىز ورىندالادى. 2021 جىلدان باستاپ اتالعان ماقساتتا ينۆاتاكسي قىزمەتىن پايدالانۋعا ەڭبەكتى قورعاۋ زاڭنامالارىنا ساي مۇمكىندىك جاسايمىز» - دەگەن,  شاھار باسشىسى بۇعان دەيىن قالادا 11 اۆتوكولىك ينۆاتاكسي قىزمەتىن اتقارسا, ەندى ولاردىڭ سانى 13-كە جەتكەندىگىن ايتتى.

قابىلداۋداعى كوپ تىلەگىنىڭ تاعى ءبىرى – 2 توپ مۇگەدەكتىگى بار ازاماتتاردىڭ قوعامدىق كولىكتە تەگىن ءجۇرۋى. بۇل ماسەلەگە قاتىستى قالا اكىمى سالا باسشىلارىنا قاجەتتى سۋبسيديا كولەمىن ەسەپتەپ, تەز ارادا ۇسىنىس بەرۋدى تاپسىردى.

سونىمەن قاتار قابىلداۋعا كەلگەن ازاماتتار 2019  جىلدىڭ ناۋرىز-ءساۋىر ايلارىندا  جەكە كومەكشىلەرگە قىزمەت اقىسى تولەنبەي قالعانىن ايتىپ, ونى وندىرۋگە زاڭ اياسىندا كومەك بەرۋدى سۇرادى. ءوز كەزەگىندە قالا باسشىسى ول تولەمدەردى جۇرگىزۋگە بيۋدجەت مۇمكىندىگى تولىق جەتەتىندىگىنە توقتالىپ, كومەكشىلەردىڭ ەڭبەكاقىسىن تولەۋ جۇمىستارى جىل باسىندا زاڭ جۇزىندە جۇزەگە اساتىندىعىن جەتكىزدى.

 كەزدەسۋ بارىسىندا «وبلىستىق مىلقاۋلار قوعامىنىڭ» ءتورايىمى التىنكۇل اياپوۆا مۇمكىندىگى شەكتەۋلى جانداردىڭ ماسەلەسىن كەزەك كۇتتىرمەي شەشىپ, ۇدايى قولداۋ ءبىلدىرىپ كەلە جاتقان قالا اكىمىنە العىسىن ءبىلدىرىپ, اعىمداعى جىلى مىلقاۋلار كلۋبىنىڭ شاھار باسشىسىنىڭ تاپسىرماسىمەن دەمەۋشىلىك ەسەبىنەن كۇردەلى جوندەۋدەن وتكەنىن ەرەكشە قۋانىشپەن اتاپ ءوتىپ, «بۇل بىزگە جاسالعان كوپ قامقورلىقتىڭ ءبىرى عانا» - دەدى.

كەزدەسۋ سوڭىندا قالا اكىمى مۇمكىندىگى شەكتەۋلى ازاماتتاردىڭ قۇقىعىن قورعاپ, ولاردى الەۋمەتتىك قولداۋ كۇن تارتىبىندەگى نەگىزگى ماسەلەلەردىڭ ءبىرى ەكەندىگىن باسا ايتىپ, قامقورلىقتى قاجەت ەتەتىن جاندارعا قولايلى ورتا قالىپتاستىرۋ باعىتىنداعى جۇمىستار جالعاساتىندىعىن جەتكىزدى.