وڭىردە جۇمىرتقا تاپشىلىعىن بولدىرماۋ ماقساتىندا تاعى 2 ميلليون دانا جۇمىرتقا كەلەدى. سونىمەن وبلىسقا جاڭا جىل مەرەكەسىنە دەيىن بارلىعى 5 ميلليون دانا جۇمىرتقا جەتكىزىلەدى. سونداي-اق وسى اپتادا ءسابىز, پياز, قىرىققاباتتىڭ باعاسى ارزاندادى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق اۋىل شارۋاشىلىعى باسقارماسىنىڭ باسشىسى شاحماردان قويشىباەۆ مالىمدەدى, دەپ حابارلايدى Egemen.kz.
«وڭىردە جۇمىرتقانىڭ تاپشىلىعىن بولدىرماۋ ماقساتىندا ءبىرشاما جۇمىستار اتقارىلۋدا. اپتا باسىندا ءۇش ميلليون جۇمىرتقا اكەلۋ جوسپارلانىپ, بۇگىندە ەكى ميلليون داناسى كەلدى. الداعى دەمالىس كۇندەرى دە جەتكىزىلەدى. قوسىمشا ەكى ميلليون دانا جۇمىرتقا تاعى الىنادى. ياعني, مەرەكەگە دەيىن بارلىعى بەس ميلليون دانا جۇمىرتقا اكەلىنەدى. وڭىردە جۇمىرتقاعا تاپشىلىق بولمايدى. الەۋمەتتىك ماڭىزى بار ازىق-ت ۇلىك باعاسى تۇراقتى. مەرەكە قارساڭىندا باعانىڭ ءوسۋىن بولدىرماۋ ماقساتىندا 27 جەلتوقساندا اۋىل شارۋاشىلىعى ونىمدەرىنىڭ جارمەڭكەسى وتەدى. جەتى اۋدان ءوز ونىمدەرىن ارزان باعادا ۇسىنادى», - دەدى شاحماردان سۇلتانبەك ۇلى.