بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە قازاقستاندىق ۆاكتسينامەن ەگىلگەن العاشقى ەرىكتىلەردىڭ ءبىرى بولعان ءبىلىم ءمينيسترى اسحات ايماعامبەتوۆ حابارلادى.
«وتاندىق ۆاكتسينا كلينيكاعا دەيىنگى زەرتتەۋدەن ءوتتى, ءبىرىنشى جانە ەكىنشى فازادان ءوتىپ, كلينيكالىق زەرتتەۋدىڭ شەشۋشى ءۇشىنشى فازاسىنا كەلدى. ءبىز ءبارىن حاتتاماعا, حالىقارالىق ستاندارتقا جانە تالاپتارعا سايكەس جاساپ جاتىرمىز. بارلىق پرينتسيپتەر مەن بارلىق نورمالاردى ساقتاۋىمىز كەرەك. بۇل وتە ماڭىزدى, ويتكەنى اڭگىمە حالىقتىڭ قاۋىپسىزدىگى جايىندا بولىپ وتىر, سوندىقتان ءبىز ءاربىر ءراسىمى بويىنشا بارلىق تالاپتاردى ساقتايمىز. ناۋرىز ايىنىڭ ورتاسىندا بۇل ۆاكتسينانى شىعارىپ, ازاماتتاردى ۆاكتسينالاي باستاۋدى جوسپارلاپ وتىرمىز», دەپ جاۋاپ بەردى مينيستر.