سقو پوليتسەيلەرى جاڭا جىل قارساڭىندا قىلقان جاپىراقتى اعاشتاردى قورعاۋعا كىرىستى. تابيعاتتى قورعاۋ پوليتسياسى مەن ۋچاسكەلىك ينسپەكتورلار تابيعي رەسۋرستار باسقارماسى, ورمان شارۋاشىلىعى مەكەمەلەرى, قورىقتار, «كوكشەتاۋ» ۇلتتىق تابيعي ساياباعى ماماندارىمەن تىعىز قارىم-قاتىناستا جۇمىس ىستەۋدە. ءموبيلدى توپتار شىرشالاردى براكونەرلەردىڭ بالتاسىنان قورعاۋ ءۇشىن ورمان القاپتارىنا رەيد جۇرگىزەدى.
«وبلىس تۇرعىندارىنا ورمان قورىنا كىرەتىن جانە كىرمەيتىن اۋماقتا زاڭسىز اعاش كەسۋگە, كەلتىرىلگەن شىعىن ءبىر ءجۇز ايلىق ەسەپتiك كورسەتكiشتەن اساتىن بولسا اكىمشىلىك سوتپەن قارالاتىنىن ەستەرىڭىزگە سالامىز, - دەيدى سقو پد جەرگىلىكتى پوليتسيا قىزمەتى باسقارماسى تابيعاتتى قورعاۋ پوليتسياسى توبىنىڭ اعا ينسپەكتورى, پوليتسيا كاپيتانى اسحات قوجاباەۆ. «ايتارلىقتاي زالال كەلتىرىلگەن جاعدايدا قىلمىستىق قۋدالاۋ قوزعالادى. جاڭا جىل الدىندا قىلقان جاپىراقتى اعاشتاردان ولجا تابۋدىڭ اقىرى ءىرى كولەمدەگى ايىپپۇل نەمەسە قاماققا الۋعا, قىلمىستىق توپپەن جاسالسا – ەكى جىلدان بەس جىلعا دەيىن باس بوستاندىعىنان ايىرۋعا اكەپ سوعادى», دەيدى ول.
ازىرگە, جەلتوقسان ايىنىڭ باسىنان سقو-دا قىلقان جاپىراقتى اعاشتاردى زاڭسىز كەسۋ فاكتىسى تىركەلگەن جوق.
سولتۇستىك قازاقستان وبلىسى