تاۋەلسىزدىك مەرەكەسىندە سىر ەلىندە بىرقاتار جاڭا نىساندار اشىلدى. وبلىس اكىمى گۇلشارا ابدىقالىقوۆا ارال اۋدانىنا ساپارلاپ, اۋداندىق وقۋشىلار ءۇيىن پايدالانۋعا بەرۋ راسىمىنە قاتىستى.
نىساننىڭ قۇرىلىسى 2019 جىلدىڭ مامىر ايىندا باستالعان. سىيىمدىلىعى 250 ادامعا لايىقتالعان وقۋشىلار ءۇيىنىڭ قۇنى 282,1 ملن. تەڭگە. باس مەردىگەر «SسS ينجينيرينگ» جشس-گى قۇرىلىس جۇمىستارىن ۋاقىتىلى اياقتادى.
سونداي-اق, سىر ەلىندەگى شيجاعا ەلدى مەكەنىندە دارىگەرلىك امبۋلاتوريا اشىلدى. جاڭا مەديتسينالىق عيمارات 15 بولمەدەن تۇرادى. قازىر مۇندا 15 قىزمەتكەر جۇمىس ىستەيدى. جاڭا نىسان مەملەكەتتىك-جەكەشەلىك ارىپتەستىك اياسىندا بوي كوتەرگەن.
سونىمەن قاتار بۇگىن اۋدانداعى ءشومىش ەلدى مەكەنىندە كەڭەيتىلىپ جانە قايتا جاڭعىرتۋ جۇمىستارى جۇرگىزىلگەن ىشكى سۋ جەلىسى پايدالانۋعا بەرىلدى. اتالعان سۋ جەلىسىنىڭ ۇزىندىعى 11,9 شاقىرىمدى قۇرايدى. اۋىز سۋ جۇيەسى «وڭىرلەردى دامىتۋ-2020» باعدارلاماسى شەڭبەرىندە ىسكە اسقان. ءشومىش اۋىلىنىڭ اقساقالى قوسمىرزالى شاحانوۆ ەل يگىلىگىنە باعىتتالعان يگى ءىس كوپشىلىككە قۋانىش سىيلاعانىن ايتىپ, وبلىس اكىمىنە العىسىن ءبىلدىردى.