سولتۇستىك قازاقستان پوليتسەيلەرى ءۇش كۇن بويى «قۇقىق ءتارتىبى» جەدەل-پروفيلاكتيكالىق شاراسىن جۇرگىزىپ, 1300-دەن ارتىق بۇزۋشىلىقتى انىقتادى, دەپ حابارلايدى Egemen.kz.
وسى كۇندەرى قوعامدىق ءتارتىپتى باقىلاۋعا 630 قىزمەتكەر قاتىستى.
بۇزۋشىلىقتار اراسىندا 28 قىلمىس بولىپ, ونىڭ 23-ءى تەز ارادا اشىلدى. اكىمشىلىك قۇقىق بۇزۋشىلىقتار سانى – 1 358. سونىڭ ىشىندە 232-ءسى قوعامدىق ورىنداردا سپيرتتىك سۋسىندار ءىشۋ جانە ءىشىپ كەلۋ. وتباسىلىق-تۇرمىستىق قاتىناستارداعى قۇقىق بۇزۋشىلىقتىڭ 51 فاكتىسى تىركەلدى. تۇرعىنداردىڭ مازاسىن الۋ بويىنشا 50 دەرەك تىركەلگەن.
سولتۇستىك قازاقستان وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى قانات ايتباەۆتىڭ ايتۋىنشا, جول ءجۇرۋ ءتارتىبىن بۇزۋشىلارعا ايرىقشا نازار اۋدارىلعان.
وسى ۋاقىت ارالىعىندا 85 جۇرگىزۋشى جىلدىمدىقتى شەكتەۋلى مەجەدەن اسىرعانى ءۇشىن توقتاتىلىپ, جاۋاپكەرشىلىككە تارتىلدى. جاياۋ جۇرگىنشى جولاعىنىڭ ءتارتىبىن 19 ادام بۇزعان. ال جاياۋ جۇرگىنشىلەردىڭ ءوزى 249 رەت بۇزۋشىلىق جاسادى. سونىمەن قاتار 23 جۇرگىزۋشىنىڭ ىشىمدىك ءىشىپ رولگە وتىرعانى انىقتالدى.