قىزىلوردا وبلىسىندا 2023 جىلعا دەيىن ەكونوميكا سالاسىن دامىتۋ ماقساتىندا قۇنى 271 ملرد تەڭگەنى قۇرايتىن 265 جوبا جۇزەگە اسىرىلادى. بيىلدىڭ وزىندە 89 جوبا ىسكە قوسىلىپ, 1035 جۇمىس ورنى اشىلدى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارى رينات قۇدايبەرگەنوۆ مالىمدەدى, دەپ حابارلايدى Egemen.kz.
وسى جىلدىڭ ماۋسىم ايىندا تۇرالاپ قالعان كاسىپورىندار جاعدايىنا تالداۋ جۇرگىزىلىپتى. وسىنىڭ ناتيجەسىندە تىعىرىققا تىرەلگەن 46 كاسىپورىن انىقتالعان. ونىڭ 19-ى وڭدەۋ, 14-ءى اۋىل شارۋاشىلىعى, تورتەۋى ونەركاسىپ سالاسىندا بولسا, قالعان توعىزى قۇرىلىس ماتەريالدارىن شىعاراتىن ءوندىرىس ورنى.
«بۇگىندە اتالعان 46 كاسىپورىننىڭ 12-ءى قايتا ىسكە قوسىلدى. قالعانىنا مەملەكەتتىك باعدارلامالار جانە باسقا دا قارجى ينستيتۋتتار ارقىلى قولداۋ كورسەتىلۋدە», دەدى رينات ءماجيت ۇلى.