قىزىلوردا وبلىسى اۋماعىندا جول قوزعالىسى قاۋىپسىزدىگىن قامتاماسىز ەتۋ ماقساتىندا پاترۋلدىك پوليتسيا قىزمەتكەرلەرى وقىس وقيعالاردىڭ الدىن الۋ ءۇشىن تاۋلىك بويى كۇشەيتىلگەن رەجىمدە جۇمىس جاساۋدا, دەپ حابارلايدى Egemen.kz
9 جەلتوقسان كۇنى اقتاۋ قالاسىنىڭ تۇرعىنى نۇرسۇلتان نۇرماعابەتوۆ الەۋمەتتىك جەلىلەر ارقىلى تىكەلەي ەفيردە قىزىلوردا وبلىسى پد پاترۋلدىك پوليتسيا روتاسىنىڭ قىزمەتكەرلەرىنە جولدا كورسەتكەن كومەگى ءۇشىن العىسىن ءبىلدىردى. جۇرگىزۋشى اقتاۋدان شىمكەنت قالاسىنا كەلە جاتقان.
اۋا رايىنىڭ كۇرت سۋىتۋىنا بايلانىستى كولىگى بۇزىلىپ, ول «شىمكەنت-سامارا» تاس جولىنىڭ 1781 شاقىرىمىندا توقتاۋعا ءماجبۇر بولىپتى.
ءۇش كۇن بويى قىزىلوردا وبلىسى پد پاترۋلدىك پوليتسيا روتاسىنىڭ ينسپەكتورى پوليتسيا اعا لەيتەنانتى رۋسلان مۇحانبەتوۆ پەن پوليتسيا اعا لەيتەنانتى جومارت بايبول جولدا قالىپ قويعان جۇك اۆتوكولىگىنىڭ جۇرگىزۋشىسىنە كومەك بەرەدى. پوليتسەيلەر اقاۋلاردى جويۋعا, قاجەتتى قوسالقى بولشەكتەردى جەتكىزۋگە كومەك كورسەتىپ, كۇندەلىكتى ىستىق اس جەتكىزىپ وتىرىپتى.
قىزىلوردا وبلىسىنىڭ پوليتسيا دەپارتامەنتى جۇرگىزۋشىلەرگە كۇن رايى قۇبىلىپ تۇرعان قازىرگىدەي ساتتە بارىنشا مۇقيات بولۋدى ەسكەرتەدى. ۇزاق ساپارعا شىعار الدىندا اۆتوكولىكتىڭ تەحنيكالىق جاعدايىن تەكسەرىپ, وقىس وقيعالار ورىن العان جاعدايدا شۇعىل قىزمەتتەرگە نەمەسە پوليتسياعا قوڭىراۋ شالعان ءجون.