گۇلشارا ابدىقالىقوۆا "ايەل – قوعام تىرەگى" اتتى كەزدەسۋگە قاتىستى

ەلباسىمىزدىڭ «ايەلدەر تاۋەلسىزدىك جىلدارىنىڭ بارىندە مەنىڭ ەڭ سەنىمدى تىرەگىم بولدى» دەگەن ءسوزى بار. بۇگىندە ايەلدەر قاۋىمى وتباسىنىڭ ۇيىتقىسى بولىپ قانا قويماي, تاۋەلسىز قازاقستاننىڭ دامۋىنا ۇلەس قوسىپ, قوعامدىق-ساياسي, الەۋمەتتىك-ەكونوميكالىق جانە رۋحاني-مادەني سالادا تابىستى ەڭبەك ەتىپ كەلەدى. قازاقستان رەسپۋبليكاسى پارلامەنت سەناتىنا العاش رەت اقمارال ءالنازاروۆا سايلانسا, ماجىلىستە جەرلەستەرىمىز بالايىم كەسەباەۆا مەن ناتاليا جۇمادىلداەۆالار بار. سونىمەن بىرگە, بيىلعى جىلى وبلىستىق باسقارمالارداعى ايەل باسشىلاردىڭ سانى 1-دەن 6-عا كوبەيدى. ال, اۋماقتىق دەپارتامەنتتەردەگى ءبىرىنشى باسشىلىقتا 5 ايەل وتىر. بۇل باسقارما, دەپارتامەنت باسشىلارىنىڭ 21,5 پايىزىن قۇرايدى, - دەدى گۇلشارا ابدىقالىقوۆا.

وبلىستا ەكونوميكالىق بەلسەندى حالىقتىڭ ۇلەسى 452 مىڭنان اسا, ونىڭ ىشىندە 217 مىڭنان استامى ايەلدەر. سونداي-اق, مەديتسينا قىزمەتكەرلەرىنىڭ 87, پەداگوگتاردىڭ 73, جالپى بيۋدجەتتىك سالا قىزمەتكەرلەرىنىڭ 60 پايىزىن ءوىز-كەلىنشەكتەر قۇرايدى.

وبلىسىمىزدا 54 157 شاعىن جانە ورتا كاسىپكەرلىك سۋبەكتىسى تىركەلگەن بولسا, ولاردىڭ اراسىندا اسەر ايەلدەردىڭ دە ۇلەس ايتارلىقتاي. «ەڭبەك» مەملەكەتتىك باعدارلاماسى جانە  «قىزىلوردا» وڭىرلىك ينۆەستيتسيالىق ورتالىعى ارقىلى 95 كاسىپكەر ايەلگە تومەن پايىزبەن نەسيەلەر بەرىلدى.

بيزنەسكە كوپبالالى انالار دا تارتىلۋدا. «ەڭبەك» باعدارلاماسى بويىنشا بيزنەس-يدەيالاردى ىسكە اسىرۋعا 602 كوپبالالى انا گرانت الدى.

كەزدەسۋ بارىسىندا وبلىستىڭ قۇرمەتتى ازاماتى, «ۇرپاقتان ۇرپاققا» قوعامدىق بىرلەستىگىنىڭ ءتورايىمى الماگۇل بوجانوۆا, وبلىستىق ايەلدەر كەڭەسىنىڭ ءتورايىمى رايكۇل باينازاروۆا, «بويتۇمار - حانىم» قوعامدىق بىرلەستىگىنىڭ ءتورايىمى راحيما احمەتوۆا, وبلىستىق ىسكەر ايەلدەر اسسوتسياتسياسىنىڭ ءتورايىمى مانات الماشەۆا, وبلىستىق قازاقستان حالقى اسسامبلەياسى جانىنداعى انالار كەڭەسىنىڭ ءتورايىمى, «سىر انالارى» قوعامدىق قورىنىڭ قۇرىلتايشىسى, «تىلدەردى وقىتۋ ورتالىعى» مكقك ديرەكتورى نۇرساۋلە مۇساەۆا, وبلىستىق كاسىپكەرلەر پالاتاسى جانىنداعى ىسكەر ايەلدەر كەڭەسى ءتورايىمىنىڭ ورىنباسارى, «Beauty academy by Dinara Almussayeva» اسەمدىك مەكتەبىنىڭ ديرەكتورى دينارا المۋساەۆا, ء«سات سەرۆيس» جشس ديرەكتورى روزا يمانوۆا, «كازسپەتسسترويەكسپەرتيزا» جشس ديرەكتورى گۇلزاگيرا ءابدىرايىموۆا, «اس-كا» جشس ديرەكتورى دانا ماحاتوۆا, «قىزىلوردا» وپتوماركەتىنىڭ قۇرىلتايشىسى نەيليا جۋسۋپوۆا, جەكە كاسىپكەرلەر اقمارال الىباەۆا, گۇلدانا بيسەنوۆا, جانات توقمەيىلوۆا, ۇلبازار ءابىلدا جانە كوپبالالى انا اسەم بايماحانوۆا وبلىس اكىمىنىڭ العىس حاتىمەن ماراپاتتالدى.

شاراعا قاتىسۋشىلار ايەلدەردىڭ قوعامدىق-ساياسي ومىردەگى ءرولى, وتباسى قۇندىلىعىن ناسيحاتتاۋ جانە جاس وتباسىلاردىڭ اراسىنداعى اجىراسۋلاردىڭ الدىن-الۋ باعىتىنداعى جۇمىستار, كوپبالالى انالارعا بەرىلىپ جاتقان قولداۋلار, قاراپايىم زاتتار ەكونوميكاسى, اگرارلىق سەكتورداعى ايەلدەر بىرلەستىگى جانە باسقا دا ماڭىزدى ماسەلەلەر تۋرالى ايتىپ, پىكىرلەرىن ءبىلدىردى.

ايتا كەتەيىك, كەزدەسۋدە كاسىپكەر قىز-كەلىنشەكتەر جاساعان ونىمدەردەن كورمە ۇيىمداستىرىلدى.