ەلوردالىقتار 2020 جىلدىڭ 1 قاڭتارى مەن 30 قاراشاسى ارالىعىندا مەديتسينالىق ساقتاندىرۋ جارناسى ءۇشىن 24,3 ملرد تەڭگە اۋدارعان. وسى جىلدىڭ قاراشا ايىندا 2,4 ملرد تەڭگە ءتۇستى. ولاردىڭ قوماقتى بولىگى – 1,5 ملرد تەڭگە جۇمىس بەرۋشىلەردىڭ اۋدارىمدارى, ال 916 ملن تەڭگەدەن استامى – جەكە كاسىپكەرلەردەن تۇسكەن جارنالار», دەپ حابارلايدى Egemen.kz «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ءباسپاسوز قىزمەتىنە سىلتەمە جاساپ.
2020 جىلعى 30 قاراشاداعى جاعداي بويىنشا, ءمامس ءۇشىن بىرىڭعاي جيىنتىق تولەم (بجت) نەگىزىندە تۇسكەن جارنا 6,5 ملن تەڭگەنى قۇرايدى. بىرىڭعاي جيىنتىق تولەم جاساۋ – الەۋمەتتىك جانە مەديتسينالىق ساقتاندىرۋ جۇيەسىنە قاتىسۋعا قۇقىق بەرەدى.
ەلوردالىق جۇمىس بەرۋشىلەر مەن جەكە كاسىپكەرلەردىڭ 2017 جىلدىڭ 1 شىلدەسى مەن 2020 جىلدىڭ 30 قاراشاسى ارالىعىندا مىندەتتى الەۋمەتتىك مەديتسينالىق ساقتاندىرۋ ءۇشىن اۋدارعان جارنالارىنىڭ جالپى سوماسى 54,7 ملرد تەڭگەنى قۇرايدى.
مەديتسينالىق ساقتاندىرۋ قورى پاتسيەنتتەر قۇقىعىن قورعايدى. سوندىقتان ازاماتتاردى ءموبيلدى قوسىمشالاردا ءوز دەرەكتەرىن تەكسەرۋگە جانە سايكەسسىزدىكتەر انىقتالعان جاعدايدا قوردىڭ ەلوردالىق فيليالىنا حابارلاۋعا شاقىرامىز. سونداي-اق, 1406 تەلەفونىنا نەمەسە Qoldau 24/7 ءموبيلدى قوسىمشاسى ارقىلى بايلانىسۋعا بولادى.
الەۋمەتتىك مەديتسينالىق ساقتاندىرۋ قورىنىڭ Qoldau-24/7 ءموبيلدى قوسىمشاسى Android سمارتفوندارى ءۇشىن Play Market ارقىلى, Apple سمارتفوندارى ءۇشىن App Store ارقىلى جۇكتەلەدى.
ازاماتتاردان كەلىپ تۇسكەن بارلىق وتىنىشتەر وڭدەلىپ, تىركەۋ نومىرىمەن وتىنىشتەر تىزىلىمىنە تۇسەدى. تۇرعىندار تاراپىنان تۇسكەن وتىنىشتەرگە مونيتورينگ جۇرگىزىلەدى, قاجەت بولعان جاعدايدا بەلگىلەنگەن مەرزىمدە شەشىم قابىلداۋ ءۇشىن ساراپتامالىق باعالاۋعا جىبەرىلەدى.