قارجى نارىعىن رەتتەۋ جانە دامىتۋ اگەنتتىگى ينتەرنەت-رەسۋرستار ارقىلى جالعان ساقتاندىرۋ قىزمەتتەرىن ۇسىنۋ فاكتىلەرىنىڭ كوبەيگەنىن ەسكەرتىپ, ازاماتتاردى ساق بولۋعا شاقىردى, دەپ حابارلايدى Egemen.kz.
بۇگىندە ينتەرنەت-رەسۋرستار كەيبىر جاعدايلاردا ليتسەنزيالانعان ساقتاندىرۋ ۇيىمدارىنىڭ اتاۋلارىن زاڭسىز پايدالانىپ, كولىك قۇرالدارى يەلەرىنىڭ ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ (كقي اقجم) پوليستەرىن ونلاين راسىمدەۋدى ۇسىنعان. سونىمەن قاتار مۇنداي پوليستەردى بەلگىلەنگەن تاريفتەردەن جوعارى باعامەن ساتۋ جاعدايلارى تىركەلگەن.
ساقتاندىرۋ ۇيىمدارى نەسيە وتەلگەن سوڭ 5 جۇمىس كۇنى ىشىندە اقشانى قايتارۋعا مىندەتتەلدى
ۆەدومستۆونىڭ مالىمەتىنشە, اتالعان قىزمەت كورسەتۋشى تۇلعالاردىڭ ساقتاندىرۋ قىزمەتىن جۇزەگە اسىرۋعا ليتسەنزياسى جوق جانە ولار ساقتاندىرۋ اگەنتتەرى رەتىندە تىركەلمەگەن. قازاقستان رەسپۋبليكاسىنىڭ «ساقتاندىرۋ قىزمەتى تۋرالى» زاڭىنىڭ تالاپتارىنا سايكەس مىندەتتى ساقتاندىرۋ شارتتارى بويىنشا دەلدالدىق قىزمەتكە جول بەرىلمەيدى.
ساقتاندىرۋ ءپوليسىن قالاي دۇرىس تاڭداۋعا بولادى؟
وسىعان بايلانىستى قارجى نارىعىن رەتتەۋ جانە دامىتۋ اگەنتتىگى ازاماتتارعا ينتەرنەت ارقىلى ساقتاندىرۋ شارتتارىن جاساسۋ كەزىندە مۇقيات بولۋعا شاقىردى.
نۇربولات امانبەك