«قازمۇنايگاز» پەن Turkish Petroleum Corporation قازاقستانداعى كەن ورىندارىندا گەولوگيالىق بارلاۋ جانە مۇناي ءوندىرۋ سالاسىنداعى ىنتىماقتاستىق ماسەلەلەرىن تالقىلاپ جاتىر. بۇل تۋرالى پرەمەر-مينيستر ولجاس بەكتەنوۆ قازاقستان مەن تۇركيا ۇكىمەتارالىق ساۋدا-ەكونوميكالىق ىنتىماقتاستىق كوميسسياسىنىڭ 14-وتىرىسىندا مالىمدەدى, دەپ حابارلايدى Egemen.kz.
ۇكىمەت باسشىسىنىڭ ايتۋىنشا, ەنەرگەتيكالىق ارىپتەستىك ەكى ەل اراسىنداعى ءوزارا ءىس-قيمىلدىڭ ماڭىزدى باعىتى ءارى وڭىرلىك تۇراقتىلىقتىڭ نەگىزى. جيىندا باكۋ – تبيليسي – دجەيحان قۇبىرى قازاقستاندىق مۇنايدى تاسىمالداۋداعى ماڭىزدى ينفراقۇرىلىمنىڭ ءبىر بولىگى رەتىندە اتالدى.
ولجاس بەكتەنوۆ گەولوگيالىق بارلاۋ جۇمىستارىنا وتاندىق تەحنولوگيالاردى قولدانۋدى تاپسىردى
سونىمەن قاتار تۇرىك كومپانيالارى قازاقستاننىڭ مۇناي-گاز سالاسىندا ءىرى جوبالاردى تابىستى جۇزەگە اسىرىپ جاتقانى اتاپ ءوتىلدى. كەزدەسۋدە قازاقستان مەن تۇركيا ونەركاسىپ, ەنەرگەتيكا, كولىك-لوگيستيكا, اۋىل شارۋاشىلىعى, تسيفرلاندىرۋ جانە دەنساۋلىق ساقتاۋ سالالارىنا قاتىستى 67 تارماقتان تۇراتىن ءىس-قيمىل جوسپارىنا قول قويدى.
گەولوگيالىق الەۋەتتى كۇشەيتۋ – باسىم باعىت
بۇگىندە تۇركيا قازاقستانمەن ساۋدا-ساتتىق جۇرگىزەتىن ەڭ ءىرى بەس ەلدىڭ قۇرامىنا كىرەدى. بىلتىر ەكى ەل اراسىنداعى الىس-بەرىس كولەمى 9 پايىزعا وسكەن. الداعى ۋاقىتتا تاۋار اينالىمىن 15 ملرد دوللارعا جەتكىزۋدى جوسپارلاپ وتىر.
نۇربولات امانبەك