مەملەكەت باسشىسى قاسىم-جومارت توقاەۆ قازاقستاننىڭ حالىق ءارتىسى ەسمۇحان وباەۆتىڭ وتباسىنا كوڭىل ايتۋ جەدەلحاتىن جولدادى, دەپ جازادى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنت كورنەكتى ونەر قايراتكەرى, رەجيسسەر-ستسەناريست, ءى دارەجەلى «بارىس» جانە «پاراسات» وردەندەرىنىڭ يەگەرى ەسمۇحان وباەۆتىڭ دۇنيەدەن وتۋىنە بايلانىستى ونىڭ وتباسى مەن جاقىن تۋىستارىنا كوڭىل ايتتى.
«ەسمۇحان نەسىپباي ۇلى سانالى عۇمىرىن كيەلى ساحناعا ارناعان تەاتر تارلانى, ونەگەلى ونەر يەسى ەدى. ۇلت رۋحانياتىن ۇلىقتاپ, وتاندىق دراماتۋرگيانىڭ دامۋىنا زور ۇلەس قوستى. جاۋاپتى لاۋازىمداردى ابىرويمەن اتقارىپ, مادەنيەت كوكجيەگىن كەڭەيتۋگە بار كۇش-جىگەرىن جۇمسادى», دەپ جازىلعان جەدەلحاتتا.