اقتاۋ ماڭىنداعى ۇشاق اپاتى: رەسەي وتەماقى تولەيتىن بولدى

رەسەي تاراپى 2024 جىلعى 25 جەلتوقساندا بولعان اۆياتسيالىق اپاتتى مويىندادى. وسىلايشا ەكى ەل رەسەي فەدەراتسياسىنىڭ اۋە كەڭىستىگىندە اۋە شابۋىلىنا قارسى قورعانىس جۇيەسىنىڭ ابايسىز ارەكەتى سالدارىنان Azərbaycan Hava Yolları اۋە كومپانياسىنا تيەسىلى Embraer 190 ۇشاعىنىڭ اقتاۋ قالاسى ماڭىندا اپاتقا ۇشىراۋىنا بايلانىستى بارلىق ماسەلەلەردى, سونىڭ ىشىندە وتەماقى تولەۋ ماسەلەسىن رەتتەۋگە كەلىستى.

اقتاۋ ماڭىندا قۇلاعان ۇشاقتىڭ ەكسكليۋزيۆتى سۋرەتتەرى جاريالاندى

ازەربايجان سىرتقى ىستەر مينيسترلىگى ەكى ەل اراسىنداعى قاتىناستار ءوزارا قۇرمەت, سەنىم جانە تاراپتاردىڭ مۇددەلەرىن ەسكەرۋ نەگىزىندە دامىپ كەلە جاتقانىن اتاپ ءوتىپ, بۇل تاتۋ كورشىلىك بايلانىستاردى نىعايتۋعا جانە ىنتىماقتاستىقتى كەڭەيتۋگە ىقپال ەتەتىنىن جەتكىزدى.

قوس تاراپ قازا تاپقانداردىڭ وتباسىلارى مەن جاقىندارىنا تاعى دا كوڭىل ايتتى.

ەسكە سالايىق, 2024 جىلعى 25 جەلتوقساندا Azerbaijan Airlines اۋە كومپانياسىنىڭ ۇشاعى اپاتقا ۇشىراپ, 38 ادام قازا تاپتى, ولاردىڭ ىشىندە قازاقستاننىڭ التى ازاماتى بولعان.

نۇربولات امانبەك