شىمكەنتتە اگروونەركاسىپتى قولداۋعا بولىنگەن قاراجات تالان-تاراجعا تۇسكەن

«ينتەنسيۆتى الما باقتارىن دايىن كۇيىندە تاپسىرۋ» باعدارلاماسى اياسىندا «اۋىل شارۋاشىلىعىن قارجىلاي قولداۋ قورى» اق باسقارما توراعاسى ج. وماروۆ بايلانىسى بار تۇلعالار مەن باقىلاۋىنداعى ۇيىمدار, سونىڭ ىشىندە «Green Mart Kazakhstan» جشس-ءىن تارتا وتىرىپ, مەملەكەتتىك قاراجاتتى جىمقىرۋ سحەماسىن ۇيىمداستىرعان. تەرگەۋ بارىسىندا كۇدىكتىلەردىڭ تاۋارلار مەن قىزمەت ءبىر كوزدەن الۋ تاسىلىمەن جۇرگىزىلگەنى انىقتالعان. سونداي-اق جابدىقتاردىڭ, ماتەريالداردىڭ جانە قۇرىلىس-مونتاج جۇمىستاردىڭ قۇنى قولدان ءوسىرىلىپ, اتقارىلۋى ءتيىس جۇمىستاردىڭ ءبىر بولىگى ءىس جۇزىندە ورىندالماعان. زاڭسىزدىقتارعا قاراماستان جالعان قابىلداۋ-تاپسىرۋ اكتىلەرى راسىمدەلىپ, سولاردىڭ نەگىزىندە بيۋدجەت قاراجاتى اۋدارىلعان. ناتيجەسىندە مەملەكەتكە 430 ملن تەڭگەدەن استام زالال كەلتىرىلگەن.

اقمولا وبلىسىندا مادەنيەت ءۇيىنىڭ ەسەپشىسى 58 ميلليون تەڭگە جىمقىرعان

«قوسىمشا اگروونەركاسىپتى مەملەكەتتىك قولداۋ شەڭبەرىندە بولىنگەن ينۆەستيتسيالىق سۋبسيديالاردى زاڭسىز الۋ فاكتىلەرى دە انىقتالدى. وسى ماقساتتا اۋىل شارۋاشىلىعى كووپەراتيۆتەرى قۇرىلىپ, ولار ارقىلى باقتاردى دامىتۋعا جانە جۇمسالعان شىعىنداردى وتەۋگە ارنالعان سۋبسيديا الۋعا وتىنىمدەر بەرىلگەن. ناتيجەسىندە ولاردىڭ شوتىنا جالپى سوماسى 327 ملن تەڭگەدەن استام بيۋدجەت قاراجاتى اۋدارىلعان. الايدا قاراجاتتىڭ تەك شامامەن 20%-ى عانا ناقتى ىسكە جۇمسالىپ, قالعان بولىگى 250 ملن تەڭگەدەن استام قارجى سەنىمدى ادامدار ارقىلى قولما-قول اقشاعا اينالدىرىلىپ, ماقساتسىز پايدالانىلعان», دەلىنگەن اگەنتتىك تاراتقان حابارلامادا. 

يتالياعا ساياحات جانە قىمبات تەحنيكا: استانادا ەمحانا باسشىلىعى بيۋدجەت قارجىسىن جىمقىرعان

اتالعان فاكتىلەرگە بايلانىستى سوت سانكتسياسىمەن جالپى اۋدانى 108 گەكتار بولاتىن قۇنى 1 ملرد تەڭگەدەن اساتىن جەر ۋچاستكەلەرىنە تىيىم سالىنىپ, كۇدىكتى ج. وماروۆ قاماۋعا الىنعان. قىلمىستىق ءىس سوتقا جولدانعان.

ەسكە سالايىق, اتالعان فاكتى بويىنشا قوردىڭ بۇرىنعى باسقارۋشى ديرەكتورى م. يسكاكوۆ پەن «Green Mart Kazakhstan» جشس-ءنىڭ باسشىسى ر. سازىنبەكتەن 4 اۆتوكولىك تاركىلەنىپ, 8 جىلعا باس بوستاندىعىنان ايىرۋ جازاسىنا سوتتالعان.