بۇگىن اقپارات جانە قوعامدىق دامۋ مينيسترلىگىنىڭ ءدىن ىستەرى كوميتەتى جەرگىلىكتى اتقارۋشى ورگاندارى تالداۋ بولىمدەرىنىڭ جانە ءدىن سالاسىنداعى مەكەمەلەردىڭ ماماندارى ءۇشىن ء«دىني احۋالدىڭ مونيتورينگى: ءادىسناماسى, تەحنولوگياسى جانە وتكىزۋ ەرەكشەلىكتەرى» تاقىرىبىندا سەمينار-ترەنينگ وتكىزدى, دەپ حابارلايدى Egemen.kz.
ونلاين-سەمينارعا 160-تان استام ادام قاتىستى, ونىڭ ىشىندە ءدىن ىستەرى كوميتەتى توراعاسىنىڭ ورىنباسارى انۋار حاتيەۆ, كوميتەتتىڭ جيىنتىق تالداۋ جانە جوسپارلاۋ باسقارماسىنىڭ باسشىسى اسىلبەك باياجۇما, «كونفەسسياارالىق جانە وركەنيەتارالىق ديالوگتى دامىتۋ جونىندەگى ن. نازارباەۆ ورتالىعى» كەاق, سونداي-اق جەرگىلىكتى اتقارۋشى ورگاندار مەن ءدىن سالاسىنداعى مەكەمەلەردىڭ تالداۋ بولىمدەرىنىڭ ماماندارى بولدى.
سەمينار-ترەنينگتىڭ ماقساتى - مونيتورينگ جانە تالداۋ جۇرگىزۋ ماسەلەلەرى بويىنشا مامانداردىڭ كاسىبي بىلىمدەرى مەن بىلىكتىلىگىن ارتتىرۋ.
سەمينار بارىسىندا وڭىرلىك دەڭگەيدەگى ءدىني احۋالعا مونيتورينگ جۇرگىزۋدىڭ قازىرگى جاي-كۇيى مەن وزەكتى ماسەلەلەرى, جۇرگىزۋ تەحنيكاسى مەن ەرەكشەلىكتەرى, مونيتورينگ پەن تالداۋ جۇمىستارىن جەتىلدىرۋ جولدارى قاراستىرىلىپ, تالقىلاندى.